ସୌମ୍ୟଙ୍କ ଦଶାହ କର୍ମରେ ଯୋଗ ଦେଲେନି ବିଦ୍ୟାଭାରତୀ
ଖଇରା(ବଡ଼ ଖବର ବ୍ୟୁରୋ): ଏସିଏଫ ସୌମ୍ୟରଞ୍ଜନଙ୍କ ଦଶାହ କର୍ମରେ ଯୋଗ ଦେଲେନି ପତ୍ନୀ ବିଦ୍ୟାଭାରତୀ। ବାଲେଶ୍ୱର ଜିଲ୍ଲା ଖଇରା ଥାନାର ବେଗୁନିଆ ଗାଁର ଅଭିରାମ ମହାପାତ୍ରଙ୍କ ପୁଅ ଏସିଏଫ ସୌମ୍ୟରଞ୍ଜନ ମହାପାତ୍ରଙ୍କ ଆଜି ଦଶାହ କର୍ମ । ଶୋକାକୋଳ ପରିବେଶରେ ବାପା ,ଭାଇ ଏବଂ ପରିବାର ଲୋକ କର୍ମ ସମ୍ପାଦନ କରୁଥିବା ବେଳେ ସ୍ତ୍ରୀ ବିଦ୍ୟାଭାରତୀ ସ୍ବାମୀଙ୍କ ଦଶାହ କର୍ମରେ ଅନୁପସ୍ଥିତ ଥିବା ଦେଖିବାକୁ ମିଳିଛି ।
ହିନ୍ଦୁ ରୀତିନୀତି ଅନୁସାରେ ସ୍ବାମୀର ଦଶାହ କର୍ମରେ ପତ୍ନୀର ଆବଶ୍ୟକତା ରହିଛି । ବିଦ୍ୟାଭାରତୀ ଦଶାହ କର୍ମରେ ଯୋଗ ଦେଇନଥିବାରୁ ଏହା ଅଶୁଭ ବୋଲି ପ୍ରତିକ୍ରିୟା ରଖିଛନ୍ତି ପୂଜକ । ଅନ୍ୟପଟେ ବିଦ୍ୟାଭାରତୀ ଯଦି କିଛି କରିନାହାନ୍ତି, ତାଙ୍କର କୌଣସି ଦୋଷୀ ନାହିଁ ତେବେ ଆସିଲେ ନାହିଁ କାହିଁକି ଏନେଇ ପ୍ରଶ୍ନ ଉଠୁଛି । ବିଦ୍ୟାଭାରତୀଙ୍କୁ ଗିରଫ କରି ପୋଲିସ ରିମାଣ୍ତରେ ନେଲେ ସତ ସାମ୍ନାକୁ ଅସିବ ବୋଲି କହିଛନ୍ତି ସୌମ୍ୟଙ୍କ ଭାଇ ।