ହାର୍ଦ୍ଦିକଙ୍କ ପାଇଁ ଦଳରେ ସନ୍ତୁଳନ ରହିପାରୁ ନାହିଁ – କୋହଲି
ଭୁବନେଶ୍ୱର (ବଡ଼ ଖବର ବ୍ୟୁରୋ): ହାର୍ଦ୍ଦିକ ପାଣ୍ଡ୍ୟାଙ୍କ ପାଇଁ ଦଳରେ ସନ୍ତୁଳନ ରହି ପାରୁନାହିଁ । ଏମିତି କହିଛନ୍ତି ଅଧିନାୟକ ବିରାଟ କୋହଲି । ମ୍ୟାଚ ପରେ ହୋଇଥିବା ସାମ୍ବାଦିକ ସମ୍ମିଳନୀରେ ବିରାଟ କହିଥିଲେ କି ପାଣ୍ଡ୍ୟା ବୋଲିଂ କରିବାକୁ ଫିଟ୍ ନ ଥିବାରୁ ଦଳର ସନ୍ତୁଳନକୁ ବିଗୁଡ଼ୁଛି । ସଂପ୍ରତି ଦଳରେ ଅଲରାଉଣ୍ଡର ବିକଳ୍ପ ଅଭାବ ରହିଛି ଯାହା ଫଳରେ ଦଳର ସନ୍ତୁଳନ ବିଗୁଡ଼ୁଛି ବୋଲି କୋହଲି କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି କି ପ୍ରଥମ ୨୫ ଓଭର ପରେ ପଡ଼ିଆରେ ଭିତରେ ଆମର ଶାରୀରିକ ଭାଷା ଭଲ ନ ଥିଲା । ଏହା ମ୍ୟାଚର ସବୁଠାରୁ ନୌରାଶଜନକ ଦିଗ ଅଟେ । ଦକ୍ଷ ଓ ଶକ୍ତିଶାଳୀ ପ୍ରତିପକ୍ଷ ବିପକ୍ଷରେ ଯଦି ଆପଣ ସୁଯୋଗ ହାତଛଡ଼ା କରନ୍ତି, ତାହେଲେ ପରବର୍ତ୍ତୀ ସମୟରେ ଏହାର ପରିଣାମ ଭୋଗିବାକୁ ପଡ଼ିଥାଏ ବୋଲି ବିରାଟ ସାମ୍ବାଦିକ ସମ୍ମିଳନୀରେ କହିଛନ୍ତି ।