ପାଣି ପାଇଁ କଲବଲ ସାହାରାପଡ଼ାବାସୀ

ସାହାରପଡ଼ା (ବଡ଼ ଖବର ବ୍ୟୁରୋ): ପିଇବା ପାଣି ପାଇଁ ହାହାକାର ଲୋକେ । ଦୂଷିତ ଚୂଆ ପାଣି ହିଁ ଲୋକଙ୍କ ସାହା ଭରସା । ଏଭଳି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ସାହାରପଡା ବ୍ଳକ ମାଛଗଡ ପଞ୍ଚାୟତ ଅଶ୍ଵଯୋଡି ଗ୍ରାମର ହୁଡି ସାହିରେ । ଗ୍ରାମର ୧୬ ପରିବାରର ବର୍ଷ ବର୍ଷ ଧରି ଚୂଆ ପାଣି ଉପରେ ନିର୍ଭର କରିଆସୁଛନ୍ତି ।

ଖରା ଦିନେ ସେମାନଙ୍କୁ ପାଣି ପାଇଁ ହନ୍ତସନ୍ତ ହେବାକୁ ପଡ଼େ । ସରପଞ୍ଚଙ୍କ ପାଖରେ ବାରମ୍ବାର ଅଭିଯୋଗ କଲେ ମଧ୍ୟ ପିଇବା ପାଣିର ବ୍ୟବସ୍ଥା ହୋଇପାରୁନାହିଁ । ସେପଟେ ସରପଞ୍ଚ ଖୁବଶୀଘ୍ର ଏହାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି।