ସ୍ମାର୍ଟ ଫୋନ ନଥିଲେ ବି କରିପାରିବେ ଟିକା ପାଇଁ ପଞ୍ଜିକରଣ, ଜାଣନ୍ତୁ କେମିତି…
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ସ୍ମାର୍ଟ ଫୋନ୍ ନଥିଲେ ମଧ୍ୟ କୋଭିଡ୍ ଟିକା ପାଇଁ ନାମ ପଞ୍ଜିକରଣ କରାଯାଇପାରିବ । ଏକଥା କହିଛନ୍ତି କୋୱିନ୍ ଚିଫ୍ । ନ୍ୟାସନାଲ ହେଲଥ ଅଥରିଟି ଚିଫ୍ ଏକଜିକ୍ୟୁଟିଭ ଅଫିସର ଏବଂ କୋୱିନ୍ ଚିଫ୍ ଆର ଏସ୍ ଶର୍ମା ଶନିବାର ଏନେଇ ସୂଚନା ଦେଇଛନ୍ତି । ସେ କହିଛନ୍ତି ଦେଶର ଗ୍ରାମାଞ୍ଚଳରେ ବସବାସ କରୁଥିବା ଲୋକମାନେ କୋଭିଡ ଟିକା ପାଇଁ ନିକଟସ୍ଥ କମନ୍ ସର୍ଭିସ ସେଣ୍ଟରରେ ନାମ ପଞ୍ଜୀକରଣ କରିପାରିବେ ।
ସେମାନଙ୍କ ପାଖରେ ସ୍ମାର୍ଟ ଫୋନ୍ ନଥିଲେ ମଧ୍ୟ ନାମ ପଞ୍ଜୀକରଣ କରିପାରିବେ । ଦେଶରେ ଥିବା ସମସ୍ତ କମନ ସର୍ଭିସ ସେଣ୍ଟର ଆକ୍ଟିଭେଟ୍ କରାଯାଇଛି । ସ୍ଲଟ୍ ଅଛି । ଲୋକମାନେ ସେମାନଙ୍କ ପଞ୍ଚାୟତ ଅଫିସକୁ ଆସି ଟିକା ପାଇଁ ନାମ ପଞ୍ଜିକରଣ କରିପାରିବେ । ସ୍ମାର୍ଟ ଫୋନ୍ ନଥିଲେ ମଧ୍ୟ ଲୋକମାନେ ନାମ ପଞ୍ଜିକରଣ ପାଇଁ ଜାରି ହୋଇଥିବା ହେଲ୍ପଲାଇନ୍ ନମ୍ବର ୧୦୭୫କୁ ଫୋନ୍ କରିପାରିବେ ।