ସାବାସ ଦିଦି।
ମାଲକାନଗିରି : କର୍ମ ହିଁ ଭଗବାନ ।ନିଜ ଜୀବନକୁ ବାଜି ଲଗେଇ ସ୍ୱାସ୍ଥ୍ୟ ସେବା ଯୋଗାଉଛନ୍ତି ଦୁଇ ସ୍ୱାସ୍ଥ୍ୟ କର୍ମୀ । ଏଭଳି ସୁନ୍ଦର ଚିତ୍ର ଦେଖିବାକୁ ମିଳିଛି ମାଲକାନଗିରି ଜିଲ୍ଲାର ସ୍ୱାଭିମାନ ଅଞ୍ଚଳରେ । ଯାହାକି ବର୍ଷା ଦିନ ମାନଙ୍କରେ ସ୍ୱାଭିମାନ ଅଞ୍ଚଳର ବିଭିନ୍ନ ଗ୍ରାମ ବିଛିନ୍ନ ହୋଇଯାଏ । ସେତେବେଳେ ଲୋକଙ୍କ ପାଇଁ ଦେବଦୂତ ପାଲଟିଛନ୍ତି ସୁଆପାଲି,ନେରୁଡ଼ି ପାଲିର ଦୁଇ ଅଙ୍ଗନବାଡି ଦିଦି ହେମଲତା ଶୀଶା ଓ ପ୍ରମିଳା ପାନେଲ । ନିଜ ଜୀବନକୁ ବାଜି ଲଗାଇ ଏହି ଦୁଇ ଦିଦି ନଈର ପ୍ରଖର ସ୍ରୋତକୁ ବେଖାତିର କରି ଗ୍ରାମବାସୀଙ୍କ ସାହାଯ୍ୟରେ ଅଣ୍ଟାରେ ଲାଉ ତୁମ୍ଭା ବାନ୍ଧି ନାଳ ପାର ହୋଇ ଅଙ୍ଗନବାଡି ସେଣ୍ଟରରେ ପହଞ୍ଚି ସ୍ୱାସ୍ତ୍ୟ ସେବା ପ୍ରଦାନ କରିଛନ୍ତି । ଯାହା ଅନ୍ୟ ମାନଙ୍କ ପାଇଁ ଉଦାହରଣ ସୃଷ୍ଟି ହୋଇଛି।