ଅକ୍ସିଜେନ ଅଭାବରୁ ୨୪ ଘଣ୍ଟାରେ ୨୪ ମୃତ

କର୍ଣ୍ଣାଟକ (ବଡ଼ ଖବର ବ୍ୟୁରୋ): କର୍ଣ୍ଣାଟକ ଚାମରାଜନଗର ହସ୍ପିଟାଲରେ ଅଭାବନୀୟ ଘଟଣା । ଚାମରାଜନଗର ଜିଲ୍ଲା ହସ୍ପିଟାଲରେ ଅକ୍ସିଜେନ ଅଭାବ ଓ ଅନ୍ୟାନ୍ୟ କାରଣରୁ ୨୪ ଘଣ୍ଟାରେ ୨୪ ରୋଗୀଙ୍କ ମୃତ୍ୟୁ ହୋଇଛି । ଏହି ଘଟଣା କର୍ଣ୍ଣାଟକ ସରକାରଙ୍କ ସ୍ୱାସ୍ଥ୍ୟସେବା ଉପରେ ପ୍ରଶ୍ନବାଚୀ ସୃଷ୍ଟି କରିଛି । ବିଭିନ୍ନ ଗଣମାଧ୍ୟମ ଓ ସୋସିଆଲ ମିଡିଆରେ ଏହି ଖବର ପ୍ରଚାର ପ୍ରସାର ହେବାରୁ ରାଜ୍ୟ ସରକାର ନିନ୍ଦିତ ହେଉଛନ୍ତି ।

ଚାମରାଜନଗର ଜିଲ୍ଳା ଦାୟିତ୍ୱରେ ଥିବା ମନ୍ତ୍ରୀ ସୁରେଶ କୁମାର କହିଛନ୍ତି ରିପୋର୍ଟକୁ ଅପେକ୍ଷା କରାଯାଇଛି । ରିପୋର୍ଟ ମିଳିବା ପରେ କାର୍ଯ୍ୟାନୁଷ୍ଠାନ ହେବ । ଘଟଣା ସମ୍ପର୍କରେ ମୁଖ୍ୟମନ୍ତ୍ରୀ ୟେଦୁରପ୍ପା ଚାମରାଜନଗର ଜିଲ୍ଳାପାଳଙ୍କ ସହ ଟେଲିଫୋନରେ କଥା ହୋଇଛନ୍ତି । ସ୍ୱାସ୍ଥ୍ୟସେବାର ବିକଳ ଚିତ୍ରକୁ ନେଇ ରାଜ୍ୟ ସରକାର ଜରୁରୀ କ୍ୟାବିନେଟ୍ ବୈଠକ ଡାକିଛନ୍ତି ।