ଆଜି ସୁପ୍ରିମକୋର୍ଟରେ ୩୭୦ ରାୟ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ଆଜି ସୁପ୍ରିମକୋର୍ଟରେ ୩୭୦ ରାୟ । ରାୟ ଶୁଣାଇବେ ସୁପ୍ରିମକୋର୍ଟଙ୍କ ୫ ଜଣିଆ ଖଣ୍ଡପୀଠ । କେନ୍ଦ୍ର ସରକାରଙ୍କ ଦ୍ବାରା ଉଚ୍ଛେଦ ଆଇନର ବୈଧତା ନେଇ ଆସିବ ରାୟ । ଏନସି, ପିଡିବି ସମେତ ଏକାଧିକ ପକ୍ଷ ପିଟିସନ ଦାଖଲ କରିଥିଲେ । ୩୭୦ ଉଚ୍ଛେଦ ଓ ୨ଟି କେନ୍ଦ୍ରଶାସିତ ଅଞ୍ଚଳ ଗଠନକୁ ଚ୍ୟାଲେଞ୍ଜ ହୋଇଛି । ୨୦୧୯ରେ ଜାମ୍ମୁ କାଶ୍ମୀରରୁ ଧାରା ୩୭୦ ହଟାଇବା ଏବଂ ରାଜ୍ୟକୁ ଦୁଇଟି କେନ୍ଦ୍ର ଶାସିତ ଅଂଚଳରେ ପରିଣତ କରାଯାଇଥିଲା । ୧୬ ଦିନର ଶୁଣାଣି ପରେ ସୁପ୍ରିମକୋର୍ଟ ଚଳିତ ବର୍ଷ ସେପ୍ଟେମ୍ବର ୫ ତାରିଖରେ ରାୟ ସଂରକ୍ଷିତ ରଖିଥିଲେ ।