ସୁନ୍ଦରଗଡ଼ ଜିଲ୍ଲା ବଣାଇ ଅଞ୍ଚଳରେ ହାତୀ ଆତଙ୍କ
(ବଡ଼ ଖବର ବ୍ୟୁରୋ): ସୁନ୍ଦରଗଡ଼ ଜିଲ୍ଲା ବଣାଇ ଅଞ୍ଚଳରେ ହାତୀ ଆତଙ୍କ । ଦୁଇଟି ହାତୀଙ୍କ ଉତ୍ପାତ ଯୋଗୁ ଗ୍ରାମବାସୀ ନୟାନ୍ତ ହୋଇପଡିଛନ୍ତି ।ତେବେ ଦୀର୍ଘ ୫ ଦିନ ହେବ ବଣାଇ ରେଞ୍ଜ, ତମରା ରେଞ୍ଜ ଅଞ୍ଚଳର ବିଭିନ୍ନ ଗ୍ରାମ ନିକଟକୁ ଆସି ଫସଲ ନଷ୍ଟ କରୁଛନ୍ତି । ହାତୀ ଯୋଗୁ ଭୟରେ ଲୋକେ ତାଟିକବାଟ ଦେଇ ରହୁଛନ୍ତି । ତେବେ ହାତୀ ଦିନରେ ପାଖରେ ଥିବା ଜଙ୍ଗଲରେ ରହୁଥିବା ବେଳେ ରାତିରେ ବାହାରି ଧାନ ଖାଉଥିବା ସ୍ଥାନୀୟ ଲୋକେ କହିଛନ୍ତି । ହାତୀକୁ ଘଉଡାଇବାକୁ ବନବିଭାଗର ରେଞ୍ଜର ,ଏସିଏଫ, ହୀତୀ ସ୍କ୍ୱାଡ ଓ ସ୍ଥାନୀୟ ଜନସାଧାରଣ ଉଦ୍ୟମ ଜାରି ରଖିଛନ୍ତି । ହେଲେ ହାତୀ ଦୁଇଟି ବାର ବାର ଆସି ଫସଲ ନଷ୍ଟ କରୁଥିବା ସ୍ଥାନୀୟ ଲୋକେ କହିଛନ୍ତି ।
ଧାନ ଫସଲ ନଷ୍ଟ କରୁଥବାରୁ ଚାଷୀ ମାନେ ଏବେ ଚିନ୍ତାରେ । ବନ ବିଭାଗ କହିଛି ଯାହା କ୍ଷତି ହୋଇଛି ଆକଳନ କରି କ୍ଷତି ପୂରଣ ଦିଆ ଯିବ । ସୂଚନା ଆନୁଯାୟୀ, ଏବେ ଏହି ଦୁଇଟି ଦନ୍ତା ହାତୀ ବ୍ରାହ୍ମଣୀ ନଦୀ ପାର ହୋଇ ଏବେ ବଣାଇ ସହର ସ୍ଥିତ ବନ ବିଭାଗ ଡାକ ବଙ୍ଗଳା ନିକଟରେ ଥିବା ଜଙ୍ଗଲରେ ଅଛନ୍ତି ।