ବାଇକ ଉପରେ ଚଢିଗଲା ଟ୍ରଲର

ଆଠଗଡ଼ (ବଡ ଖବର ବ୍ୟୁରୋ): ୫୫ ନମ୍ବର ଜାତୀୟ ରାଜପଥ ଖୁଣ୍ଟୁଣୀ ଥାନା ଅନ୍ତର୍ଗତ ନୁଖରା ଛକ ନିକଟରେ ଟ୍ରଲର ବାଇକ ଉପରେ ଚଢିଯାଇଛି । ବାଇକ ଆରୋହୀଙ୍କର ଘଟଣାସ୍ତଳରେ ମୃତ୍ୟୁ ହୋଇଛି । ଗତକାଲି ଅପରାହ୍ନରେ ଢେଙ୍କାନାଳରୁ ମଙ୍ଗୁଳି ଯାଉଥିବା ଟ୍ରଲର ଖୁଣ୍ଟୁଣୀରୁ ଢେଙ୍କାନାଳ ଯାଉଥିବା ଏକ ବାଇକ ଉପରେ ଚଢିଯାଇଥିଲା । ଫଳରେ ବାଇକ ଆରୋହୀ ଗୁରୁତର ହୋଇ ରାସ୍ତା ଉପରେ ପଡି ଛଟପଟ ହେଉଥିଲେ । ଖବର ପାଇ ଖୁଣ୍ଟୁଣୀ ପୋଲିସ ଘଟଣାସ୍ଥଳରେ ପହଞ୍ଚି ୧୦୮ ଆମ୍ବୁଲାନ୍ସ ସହାୟତାରେ ଆଠଗଡ ଡାକ୍ତରଖାନାରେ ଭର୍ତ୍ତୀ କରିଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତକ ଜଣଙ୍କ ହେଲେ ଢେଙ୍କାନାଳ ଜିଲ୍ଲା ଗଁଦିଆଁ ବ୍ଲକ ଟଭାପାଳ ଗ୍ରାମର ସୁବଳ ମହାଳିକଙ୍କ ପୁଅ ଶ୍ରୀକାନ୍ତ ମହାଳିକ । ଦୁର୍ଘଟଣା ଘଟାଇଥିବା ଟ୍ରଲର ଓ ଡ୍ରାଇଭରକୁ ପୋଲିସ ଅଟକ ରଖି ତଦନ୍ତ ଜାରି ରଖିଛି। ବ୍ୟବଚ୍ଛେଦ ପରେ ପରିବାରକୁ ଶବ ହସ୍ତାନ୍ତର କରାଯିବ ।