ଦୁର୍ଘଟଣାରେ ଦୁଇ ମୃତ

ମୋହନା(ବଡ଼ ଖବର ବ୍ୟୁରୋ): ଦୁଇ ବାଇକ୍ ମଧ୍ୟରେ ଧକ୍କା । ଦୁଇ ବାଇକ୍ ଆରୋହୀଙ୍କର ମୃତ୍ୟୁ । ଗଜପତି ଜିଲ୍ଲା ଅଡବା ଥାନା ଆଲିଗର୍ଡା-ଦମାଦୁଆ ରାସ୍ତାରେ ଆଜି ଘଟିଛି ଏହି ଦୁର୍ଘଟଣା । ମୃତକ ହେଲେ ଛେଳିଗଡ଼ର ରିଗନ ବୀର ଓ ଦମାଦୁଆର ସିନୁ ନାଚ । ରିଗନ ନିଜ ବାପାଙ୍କ ସହ ଛେଳିଗଡ଼ରୁ ଦମାଦୁଆ ଯାଉଥିଲେ । ସେପଟେ ଦମାଦୁଆରୁ ସିନୁ ଅନ୍ୟ ଦୁଇ ସାଙ୍ଗଙ୍କ ସହ ଅନ୍ୟ ଏକ ବାଇକ୍ରେ ଆସୁଥିଲେ । ଆଲିଗଣ୍ଡ ନିକଟରେ ଦୁଇ ବାଇକ ମୁହାଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ ଦୁଇ ବାଇକଚାଳକଙ୍କ ମୃତ୍ୟୁ ହୋଇଥିବା ବେଳେ ୩ ଆରୋହୀ ଗୁରୁତର ହୋଇଥିଲେ । ଆହତମାନଙ୍କୁ ପ୍ରଥମେ ହୋହନା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ସେମାନଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି । ପୋଲିସ ଏହି ଘଟଣାର ତଦନ୍ତ ଚଳାଇଛି ।