ନନ୍ଦନକାନନରେ ଭିଡ ଜମୁଛି

ଭୁବନେଶ୍ୱର(ବଡ଼ ଖବର ବ୍ୟୁରୋ): କୋଭିଡ କଟକଣା ପରେ ଅକ୍ଟୋବର ୪ରୁ ଖୋଲା ଯାଇଛି ନନ୍ଦନକାନନ ପ୍ରାଣୀ ଉଦ୍ୟାନ । ଆଗ ଭଳି ପର୍ଯ୍ୟଟକଙ୍କ ଗହଳି ଦେଖିବାକୁ ମିଳୁନି । ପ୍ରଥମେ ୧ ହଜାର ଲୋକଙ୍କୁ ପ୍ରବେଶ ପାଇଁ ଅନୁମତି ମିଳିଥିଲା । ଏବେ ଦୈନିକ ୧୫୦୦ ପର୍ଯ୍ୟଟକ ଆସୁଛନ୍ତି । ଛୁଟି ଦିନରେ ୪୦୦୦ରୁ ଅଧିକ ପର୍ଯ୍ୟଟକ ଆସୁଛନ୍ତି । ମାତ୍ର ପର୍ଯ୍ୟଟକମାନେ ଆସି ନିରାଶ ହୋଇ ଫେରୁଛନ୍ତି । ଅନେକ ଖୁଆଡ଼ ଖାଁ ଖାଁ । ଥର୍ମାଲ ସ୍କ୍ରିନିଙ୍ଗ, ସାନିଟାଇଜ ପରେ ନନନ୍ଦନକାନକୁ ଏଣ୍ଟ୍ରି ପାଇଁ ଅନୁମତି ଦିଆଯାଉଛି । ବୋଟିଂ, ୪ଟି ସଫାରି, ପର୍ଯ୍ୟଟଙ୍କ ବୁଲିବା ପାଇଁ ଥିବା ବ୍ୟାଟେରି ଚାଳିତ ଗାଡ଼ି ବନ୍ଦ କରାଯାଇଛି । ଶିଶୁଙ୍କ ପାଇଁ ଟଏ ଟ୍ରେନ ଦୀର୍ଘଦିନ ହେବ ବନ୍ଦ ରହିଛି । ସ୍କୁଲ ବନ୍ଦ ଥିବାବେଳେ ନନ୍ଦନକାନନ ଆସି ଅଭିଭାବକମାନେ ତାଙ୍କ ପିଲାଙ୍କ ମନରେ ଖୁସି ବଦଳରେ ନିରାଶ ଭରିଦେଉଛନ୍ତି ।