ଅନୁଗୁଳ (ବଡ଼ ଖବର ବ୍ୟୁରୋ): ସିଡିଏମଓ ଅଫିସ ଆଗରେ ଅନୁଗୁଳ ଜିଲ୍ଲା ଓମସା ଏବଂ ଆଇଏମଏ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। କେନ୍ଦ୍ର ସରକାରଙ୍କ ନୀତି ଆୟୋଗ ପକ୍ଷରୁ ଆୟୁଷ ଡାକ୍ତରମାନେ ସର୍ଜରୀ କରିପାରିବେ ବୋଲି ନିଷ୍ପତ୍ତି ଗ୍ରହଣ କରାଯାଇଥିଲା । ଏହାକୁ ବିରୋଧ କରି ଡାକ୍ତରମାନେ ବିକ୍ଷୋଭକୁ ଓହ୍ଲାଇଥିଲେ। ଉପଯୁକ୍ତ ତାଲିମ ନଥାଇ ହୋମିଓପାଥିକ୍ ଓ ଆୟୁର୍ବେଦିକ ଡାକ୍ତରମାନେ କିଭଳି ଏହି ଜଟିଳ କାର୍ଯ୍ୟ କରିପାରିବେ ବୋଲି ଆଲୋପାଥିକ ଡାକ୍ତରମାନେ ପ୍ରଶ୍ନ ଉଠାଇଛନ୍ତି । ଏହାଦ୍ଵାରା ରୋଗୀର ଜୀବନ ବିପଦରେ ପଡ଼ିବା ଆଶଙ୍କା ରହିଛି । ଏହା ଆଇଏମଏ ଜିଲ୍ଲା ସଭାପତି ଡା. ବିନୟ କୁମାର ନାଥ, ଡା. ପ୍ରଭାତ କୁମାର ପଣ୍ଡା ଏବଂ ଓମସା ରାଜ୍ୟ ସମ୍ପାଦକ ଡା. ବିଶ୍ଵଜିତ ସାମଲଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇଥିଲା ।
