ଭୁବନେଶ୍ୱର (ବଡ଼ ଖବର ବ୍ୟୁରୋ): କୋଭିଡ୍ ନିୟମ ଉଲ୍ଲଘଂନ ଅଭିଯୋଗରେ କମିସନରେଟ୍ ପୋଲିସ ରାଜଧାନୀର ୪ଟି ବାରକୁ ସିଲ୍ କରିବା ସହ ୩୨ ହଜାର ଟଙ୍କା ଆଦାୟ କରିଛି । ଗତ କାଲି ରାତି ସାଢେ ୯ଟାରୁ ଆରମ୍ଭ ହୋଇଥିବା ଚଢଉ ବିଳମ୍ବିତ ରାତି ପର୍ଯ୍ୟନ୍ତ ଜାରି ରହିଥିଲା । ବାର୍ ଗୁଡିକରେ କୋଭିଡ୍ ନିୟମର ଖୋଲାଖୋଲି ଉଲ୍ଲଘଂନ କରାଯାଉଥିବାନେଇ ବାରମ୍ବାର ଅଭିଯୋଗ ଆସିବା ପରେ ପୋଲିସ ଅତର୍କିତ ଚଢାଉ ଆରମ୍ଭ କରିଛି । ଭୁବନେଶ୍ୱର ଡିସିପି ଉମାଶଙ୍କର ଦାସ ୩ଟି ଜୋନ ଏସିପିଙ୍କୁ ନେଇ ୩ଟି ଟିମ୍ ଗଠନ କରିଥିଲେ । ଏସିପିଙ୍କ ନେତୃତ୍ୱରେ ୧୫ ଅଫିସର, ୫ ପ୍ଲାଟୁନ ଫୋର୍ସ ରାତିରେ ଚଢାଉ ଆରମ୍ଭ କରିଥିଲେ । ବାର୍ ଭିତରେ ସାମିଜକ ଦୂରତା ନଥିବା କିମ୍ବା ମୁହଁରେ ମାସ୍କ ପିନ୍ଧି ନଥିବା ଅବସ୍ଥାରେ ପାଖାପାଖି ୩୦ରୁ ଅଧିକ ଲୋକଙ୍କଠାରୁ ଜରିମାନା ଆଦାୟ କରାଯାଇଛି । ଏହାସହ ବାର୍ ମାଲିକ ଓ ପରିଚାଳକଙ୍କଠାରୁ ତଣ୍ଡ ଆଦାୟ କରି କଡା ତାଗିଦ୍ କରିଛି କମିସନରେଟ୍ ପୋଲିସ ।
