ଆଖଣ୍ଡଳମଣିଙ୍କ ଦର୍ଶନ ଲାଗି ଜାରି ହେଲା ଏସଓପି

ଆରଡ଼ି(ବଡ଼ ଖବର ବ୍ୟୁରୋ): ଆଖଣ୍ଡଳମଣିଙ୍କ ଦର୍ଶନ ପାଇଁ ଏସଓପି ଜାରି । ଦୀର୍ଘ ୯ମାସରୁ ଉଦ୍ଧ୍ୱର୍ ବନ୍ଦ ରହିଥିବା ବାବା ଆଖଣ୍ଡଳମଣୀଙ୍କ ଦର୍ଶନ ପାଇଁ ଜିଲ୍ଲା ପ୍ରଶାସନ ଜାରି କରିଛି ଏସଓପି । ଆସନ୍ତା ୩ ତାରିଖରୁ ଖୋଲିବ ଏହି ପ୍ରସିଦ୍ଧ ମନ୍ଦିର । ପ୍ରଥମେ ସେବାୟତ ପରିବାରଙ୍କ ଦର୍ଶନ ପାଇଁ ୨୮ ଓ ୨୯ ତାରିଖକୁ ଧାର୍ଯ୍ୟ କରାଯାଇଛି । ୩୦ ଓ ୩୧ ତାରିଖରେ ସ୍ଥାନୀୟ ୪ଟି ପଚାଂୟତର ଲୋକମାନେ ମହାପ୍ରଭୁଙ୍କୁ ଦର୍ଶନ କରିପାରିବେ । ଆସନ୍ତା ଜାନୁଆରୀ ୧ ଓ ୨ ତାରିଖ ମନ୍ଦିର ବନ୍ଦ ରହିବ । ୩ରେ ସର୍ବସାଧାରଣ ପ୍ରଭୁଙ୍କୁ ଦର୍ଶନ କରିବେ । ସକାଳ ୭ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ଶ୍ରଦ୍ଧାଳୁ ପାଇବେ ଦର୍ଶନର ସୁବିଧା । ଅନ୍ୟ ସମୟରେ ମନ୍ଦିର ପୂର୍ବପରି ବନ୍ଦ ରହିବ । ଭକ୍ତମାନେ ମନ୍ଦିର ଭିତରକୁ ଫୁଲ, ଦୀପ, ଭୋଗ ଓ କୌଣସି ପୂଜା ସାମଗ୍ରୀ ନେଇପାରିବେ ନାହିଁ । ଏପରିକି ମନ୍ଦିର ଭିତରେ ଅଧିକ ସମୟ ଯାତ୍ରୀମାନେ ରହିପାରିବେ ନାହିଁ । କରୋନ ଗାଇଡ ଲାଇନ ଅନୁସାରେ ଭକ୍ତମାନେ ଠାକୁରଙ୍କୁ ଦର୍ଶନ କରିପାରିବେ ।