ପୋଡ଼ିଗଲା ରାସ୍ତାପାଖ ଗଛ

ଓଡଗାଁ (ବଡ଼ ଖବର ବ୍ୟୁରୋ): ଓଡଗାଁ ଆଦର୍ଶ ଥାନା ଓ ବନାଞ୍ଚଳ ଅନ୍ତର୍ଗତ ଭାଡ଼ିକିଲା-ମହୁଲିଆ ରାସ୍ତାରେ ଜଙ୍ଗଲ ବିଭାଗ ଦ୍ୱାରା ଲଗାଯାଇଥିବା ଗଛ ସହିତ ଅଟେଇ ପୋଡି ଦେଇଛନ୍ତି । କେତେକ ଯୁବକ ମଦ୍ୟପାନ କରୁଥିବା ବେଳେ କୌତୁହଳ ବଶତଃ ଗଛ ପାଖରେ ପାଳ ଏକାଠି କରି ସେଥିରେ ନିଆଁ ଲଗାଇଦେଇଥିଲେ । ପୋଲିସ ଓ ବନବିଭାଗ ପହଂଚିବାରୁ ଯୁବକମାନେ ଘଟଣାସ୍ଥଳରୁ ପଳାଇଥିଲେ । ପୋଲିସ ଓ ବନ ବିଭାଗ ସେମାନଙ୍କ ବାଇକ ଜବତ କରି ଯୁବକମାନଙ୍କ ସମ୍ପର୍କରେ ତଦନ୍ତ କରୁଥିବା ଆଇଆଇସି ପ୍ରଜ୍ଞାପାରମିତା ଜେନା ଓ ରେଞ୍ଜର ଅମ୍ରିତ କୁମାର ସାହୁ କହିଛନ୍ତି ।