ନନ୍ଦନକାନନରେ ଲାଗିଛି ଭିଡ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଚାଲିଯାଇଛି ପୁରୁଣା ବର୍ଷ । ଅନେକ ଘାତ ପ୍ରତିଘାତକୁ ସହି ଛିଡା ହୋଇଛି ନନ୍ଦନକାନନ ପ୍ରାଣୀ ଉଦ୍ୟାନ । ନୂତନ ବର୍ଷର ପ୍ରଥମ ଦିନରେ ନନ୍ଦନକାନନ ପ୍ରାଣୀ ଉଦ୍ୟାନରେ ଲାଗିଛି ଗହଳି ଚହଳି । ପର୍ଯ୍ୟଟକମାନଙ୍କ ମନରେ ଦେଖିବାକୁ ମିଳିଛି ଉତ୍ସାହ । ରାଜ୍ୟ ଓ ରାଜ୍ୟ ବାହାରୁ ପର୍ଯ୍ୟଟକମାନଙ୍କର ଛୁଟୁଛି ସୁଅ । ଅନ୍ୟ ପଟେ ବଟାନିକାଲ ଗାର୍ଡେନରେ କୋଭିଡ ଯୋଗୁଁ ବଣ ଭୋଜିକୁ ବନ୍ଦ କରିଦିଆ ଯାଇଛି। ଖୁୁସିର ବିଷୟ ଏହାକି, ଧଳାବାଘ ପାଇଁ ବିଶ୍ଵ ବିଖ୍ୟାତ ସାଜିଥିବା ନନ୍ଦନକାନନ ଭାରତ ବର୍ଷର ୧୦ଟି ବଡ ଚିଡିଆଖାନା ମଧ୍ୟରେ ସ୍ଥାନ ପାଇଛି ।

କୋଭିଡ ପାଇଁ ପର୍ଯ୍ୟଟକମାନଙ୍କ ମୁଖ୍ୟ ଆକର୍ଷଣ ପାଲଟୁଥିବା ସଫାରି, ବୋଟିଂ, ଟଏ-ଟ୍ରେନ, ରୋପ-ୱେ ବନ୍ଦ ଥିବା ଯୋଗୁଁ ସେମାନଙ୍କ ମନରେ ନିରାଶ ଭାବନା ଦେଖିବାକୁ ମିଳୁଛି । ତେବେ ପର୍ଯ୍ୟଟକମାନଙ୍କ ସୁରକ୍ଷାକୁ ଦୃଷ୍ଟିରେ ରଖି କୋଭିଡ ନିୟମକୁ କଡାକଡି କରାଯାଇଛି ।