ଚନ୍ଦ୍ରଭାଗାରେ ପ୍ରଥମ ସୂର୍ଯ୍ୟୋଦୟ
କୋଣାର୍କ(ବଡ଼ ଖବର ବ୍ୟୁରୋ): ଆଜିଠାରୁ ଆରମ୍ଭ ନୂଆ ବର୍ଷ ୨୦୨୧ । ପୁରୁଣା ବର୍ଷକୁ ବିଦାୟ ଦେଇ ନୂଆ ବର୍ଷକୁ ସ୍ୱାଗତ କରୁଛନ୍ତି ବିଶ୍ୱବାସୀ । ନୂଆ ଆଶା, ନୂଆ ବିଶ୍ୱାସ ଓ ନୂଆ ଆକାଂକ୍ଷା ନେଇ ନୂଆ ବର୍ଷର ପ୍ରଥମ ସୂର୍ଯ୍ୟ ଉଦୟ ଦେଖିବାକୁ ଚନ୍ଦ୍ରଭାଗାରେ ପର୍ଯ୍ୟଟକଙ୍କ ଭିଡ ଦେଖିବାକୁ ମିଳିଛି । କୋଣାର୍କ ଚନ୍ଦ୍ରଭାଗାରେ ସୂର୍ଯ୍ୟଙ୍କ ଆବିର୍ଭାବ ହୋଇଥିବା ଯୋଗୁଁ ହଜାର ହଜାର ପର୍ଯ୍ୟଟକଙ୍କ ଏଠି ସମାଗମ ହୋଇଥିଲା । ନାଇଟ ସେଲିବ୍ରେସନ ବନ୍ଦ ରହିବା ସହିତ ନାଇଟ କର୍ଫ୍ୟୁ ଜାରି ରହିଥିଲା । ସକାଳୁ ନାଇଟ କର୍ଫ୍ୟୁ ହଟିବା ପରେ ଚନ୍ଦ୍ରଭାଗାରେ ପର୍ଯ୍ୟଟକଙ୍କ ଭିଡ ଦେଖିବାକୁ ମିଳିଛି ।