ଦିଲ୍ଲୀରେ ଇସ୍ରାଏଲ୍ ଦୂତାବାସ ନିକଟରେ ବିସ୍ଫୋରଣ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀରେ ଥିବା ଇସ୍ରାଏଲ ଦୂତାବାସ ନିକଟରେ ଆଇଇଡି ବିସ୍ଫୋରଣ ହୋଇଛି । ବିସ୍ଫୋରଣର କାରଣ ଜଣାପଡ଼ି ନଥିଲେହେଁ ଏଥିରେ ଦୂତାବାସ ନିକଟରେ ଥିବା କିଛି ଜାନବାହାନ ଭାଙ୍ଗିଯାଇଛି । ଦିଲ୍ଲୀ ପୋଲିସର ସ୍ୱତନ୍ତ୍ର ସେଲ୍ ଘଟଣାସ୍ଥଳରେ ପହଞ୍ଚିଛି । ଦିଲ୍ଲୀ ପୋଲିସ କମିଶନର ଏସ.ଏନ୍ ଶ୍ରୀବାସ୍ତବ କହିଛନ୍ତି ଯେ ରାଜେଶ ପାଇଲଟ ମାର୍ଗ ଉପରେ ବିସ୍ଫୋରଣ ହୋଇଥିଲା, ଏହାର ତଦନ୍ତ ଚାଲିଛି । ବୋମା ନିସ୍କ୍ରିୟକାରୀ ଟିମ ମଧ୍ୟ ଘଟଣାର ଛାନଭିନ କରୁଛି । ଏହି ବିସ୍ଫୋରଣ ଇସ୍ରାଏଲ୍ ଦୂତାବାସଠାରୁ ୧୫୦ ମିଟର ଦୂରରେ ହୋଇଛି । ପୁଲିସ୍‌ କହିଛିଯେ ସନ୍ଧ୍ୟା ୫.୦୫ ସମୟରେ ଏହି ବିସ୍ଫୋରଣ ହୋଇଛି। ବିସ୍ଫୋରଣ କାରଣ ଖୋଜିବା ପାଇଁ ତଦନ୍ତ କରାଯାଉଛି। ବର୍ତ୍ତମାନ ସୁଦ୍ଧା କେହି ମୃତାହତ ହୋଇନାହାନ୍ତି । ଅବଦୁଲ କଲାମ ରୋଡକୁ ଘେରାମନ୍ଦୀ କରାଯାଇ ପୋଲିସ ଅଧିକ ଯାଞ୍ଚ ଚଳାଇଛି ।