ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଭ୍ୟନ୍ତରିଣ ଓଡିଶାରେ ତାତିର ପ୍ରକୋପ ଜାରି ରହିଛି । ଅନେକ ଜାଗାରେ ଉତ୍ତପ୍ତ ବଢିବାରେ ଲାଗିଛି । ୯ଟି ସ୍ଥାନରେ ଦିନର ତାପମାତ୍ରା ୩୮ଡିଗ୍ରୀ ସେଲସିୟସ ଉପରେ ଅଛି । ସେପଟେ ଉପକୂଳ ଓଡିଶାରେ ଗରମରୁ କିଛି ଆଶ୍ୱସ୍ଥି ମିଳିଛି । ଭୁବନେଶ୍ୱରରେ ତାପମାତ୍ରା ୩୫ଡିଗ୍ରୀ ତଳକୁ ଖସି ଆସିଛି । ଅ।।ଗାମୀ ୩, ୪ ଦିନ ତାପମାତ୍ରା ଏଭଳି ରହିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି । ୧୧ତାରୀଖ ବେଳକୁ ଉପକୂଳ ଓଡିଶାରେ ପୁଣୀ ତାତି ବଢିପାରେ ।
ସୋମବାର ଭବାନୀପାଟଣା ଓ ବୌଦ୍ଧରେ ପାରଦ ୩୯ଡିଗ୍ରୀ ଛୁଇଁଛି । ଝାରସୁଗୁଡ଼ା ତାପମାତ୍ରା ୩୮.୨, ସମ୍ବଲପୁର ୩୮.୪, ସୁନ୍ଦରଗଡ଼ ୩୮, ହୀରାକୁଦ ୩୮.୫, ତାଳଚେର ୩୭.୧, ବଲାଙ୍ଗିର ୩୮.୨, ମାଲକାନଗିରି ୩୮.୫, ଟିଟିଲାଗଡ଼ ୩୭.୨, ସୋନପୁର ୩୮.୨ ଡିଗ୍ରୀ ରହିଛି ।
