ଭୁବନେଶ୍ବର( ବଡ଼ ଖବର ବ୍ୟୁରୋ) : ରାଜ୍ୟରେ ହୁ ହୁ ହୋଇ ବଢିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ଏହାକୁ ଦୃଷ୍ଟିରେ ରଖି ଶନିବାର ସକାଳେ ବିଏମସି ପକ୍ଷରୁ ଆସିଥିଲା ନୂଆ ଗାଇଡଲାଇନ । ବିଏମସି ପରେ ବର୍ତ୍ତମାନ ଆସିଛି ସିଏମସିର ନୂଆ ଗାଇଡ଼ଲାଇନ । ଏଣିକି ବିବାହ ଉତ୍ସବରେ ଉପସ୍ଥିତି ପାଇଁ ୧୦୦ ଜଣଙ୍କୁ ମିଳିବ ଅନୁମତି । ସେହିପରି ସୁଦ୍ଧି କାର୍ଯ୍ୟ ପାଇଁ ୫୦ ଜଣଙ୍କୁ ଅନୁମତି ମିଳିବ ।
ବିବାହ ଓ ସୁଦ୍ଧି କାର୍ଯ୍ୟରେ କୋଭିଡ ଗାଇଡଲାଇନକୁ କଡାକଡି ଭାବେ ପାଳନ କରାଯିବ । ବିଭିନ୍ନ ପ୍ରକାର ସମ୍ମିଳନୀ ଓ ସମାବେଶ ଉପରେ କଟକଣା ଲଗାଇଛି କଟକ ମ୍ୟୁନିସିପାଲ କର୍ପୋରେଶନ । ସାରା ଦେଶରେ କରୋନାର ଦ୍ବିତୀୟ ଲହରକୁ ନେଇ ସାରା ଦେଶରେ କୋକୁଆ ଭୟ ସୃଷ୍ଟି ହୋଇଛି । ରାଜ୍ୟରେ ମଧ୍ୟ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି ।
ଶନିବାର ରାଜ୍ୟରୁ ୪୫୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯାହାକୁ ନେଇ ଚିନ୍ତାରେ ରାଜ୍ୟ ସରକାର । ତେଣୁ କୋଭିଡର ସମସ୍ତ ଗାଇଡଲାଇନକୁ କଡାକଡି ଭାବେ ପାଳନ କରିବାକୁ ଅନୁରୋଧ କରିଛନ୍ତି ରାଜ୍ୟ ସରକାର ।
