ପାଣି ପାଇଁ ରାସ୍ତା ଅବରୋଧ

ଉଦଳା(ବଡ଼ ଖବର ବ୍ୟୁରୋ): ପାଣି ପାଇଁ ଗରା ବାଲଟି ଧରି ରାସ୍ତା ଅବରୋଧ । ବାରମ୍ବାର ଦାବି ପରେ ମଧ୍ୟ ପାନୀୟ ଜଳର ସୁବିଧା ନ ହେବାରୁ ଶେଷରେ ତାତିଛନ୍ତି ଗ୍ରାମବାସୀ । ଏଭଳି ଘଟଣା ଦେଖିବାକୁ ମିଳିଛି ଶରତ ଅଂଚଳରେ । କପ୍ତିପଦା ବ୍ଲକ ଅଶ୍ୱକୁଟୀ ଗ୍ରାମରେ ଦୀର୍ଘବର୍ଷ ହେବ ପାନୀୟ ଜଳର ସମସ୍ୟା ଲାଗିରହିଛି । । ଗ୍ରାମରେ କୌଣସି କୂଅ ନଥିବା ବେଳେ ଗ୍ରାମବାସୀ ଚୁଆ ଉପରେ ନିର୍ଭର କରନ୍ତି ।

ତେବେ ଗ୍ରାମରେ ନଳକୂଅ ଖନନ ପାଇଁ ବାରମ୍ବାର ସରପଂଚଙ୍କ ଠାରୁ ଆରମ୍ଭ କରି ବ୍ଲକ ପ୍ରଶାସନ ପର୍ୟ୍ୟନ୍ତ ସମସ୍ତଙ୍କୁ ନିବେଦନ କରାଯାଇଥିଲେ ସୁଦ୍ଧା କେହି କର୍ଣ୍ଣପାତ କରୁନାହାନ୍ତି । ଶେଷରେ ତାତିଛନ୍ତି ଗ୍ରାମବାସୀ । ଆଜି ଗ୍ରାମବାସୀ ଗରା ବାଲଟି ଧରି କପ୍ତିପଦା-ଶରତ- ଠାକୁରମୁଣ୍ଡା ରାସ୍ତା ଅବରୋଧ କରି ଧାରଣାରେ ବସିଛନ୍ତି । ରାସ୍ତା ଅବରୋଧ ଫଳରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି । ରାସ୍ତାର ଦୁଇ ପାଶ୍ୱର୍ରେ ଅନେକ ଯାନବାହନ ଅଟକି ରହିଛି । ଖବର ପାଇ ଶରତ ପୋଲିସ ଘଟଣାସ୍ଥଳରେ ପହଂଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରୁଥିଲେ ସୁଦ୍ଧା କୌଣସି ସୁଫଳ ମିଳିପାରିନାହିଁ ।