କରୋନା କବଳରେ ରାଘବ
ମୁମ୍ବାଇ (ବଡ ଖବର ବ୍ୟୁରୋ): କୋରିଓଗ୍ରାଫର ତଥା ଡ୍ୟାନ୍ସ ଦିୱାନେର ହୋଷ୍ଟ ରାଘବ ଜୁୟାଲ କରୋନା ପଜେଟିଭ ହୋଇଛନ୍ତି । ଏନେଇ ସେ ତାଙ୍କ ସୋଶଇଆଲ ମିଡିଆ ଆକାଉଣ୍ଟରେ ତାଙ୍କ ଫ୍ୟାନ୍ସ ମାନଙ୍କୁ ସୂତନା ଦେଇଛନ୍ତି । ସେ ଇନଷ୍ଟାଗ୍ରାମରେ ଏକ ପୋଷ୍ଟରେ ଲେଖିଛନ୍ତି, ‘ମୋର କାଶ ଏବଂ ଜ୍ବର ଜ୍ୱରୋ ହୋଇଥିଲା ପରେ ମୁଁ ମୋର କୋରୋନା ଟେଷ୍ଟ କରାଇଥିଲି । ଯାହାର ରିପୋର୍ଟ ପଜିଟିଭ ଆସିଛି ।
ଏହି କିଛି ଦିନ ମଧ୍ୟରେ ଯିଏ ବି ମୋ ସମ୍ପର୍କରେ ଆସିଛନ୍ତି ଦୟା କରି ନିଜର ଟେଷ୍ଟ କରାଇନିଅନ୍ତୁ । ଆଉ ସମସ୍ତେ ନିଜ ଧ୍ୟାନ ରଖିବା ସହ ସୁରକ୍ଷିତ ରୁହନ୍ତୁ । ସବୁ ନିୟମ ମାନନ୍ତୁ । ତାଙ୍କ ପୂର୍ବରୁ ଏହି ଶୋର ଜଜ ଧର୍ମେଶ କୋରୋନା ସଂକ୍ରମିତ ହୋଇଥିଲେ । କେବଳ ଏତିକି ନୁହେଁ ଏହି ଶୋର ୧୮ ଜଣ କ୍ରୁ ମେମ୍ବରଙ୍କୁ ରିପୋର୍ଟ ମଧ୍ୟ ପଜିଟିଭ ଆସିଥିଲା । ସେପଟେ ମାଧୁରୀ ମଧ୍ୟ ଫ୍ୟାନ୍ସଙ୍କୁ ସୋସିଆଲ ମିଡିଆରେ ସଚେତନା ବାର୍ତ୍ତା ବାଣ୍ଟିବା ଆରମ୍ଭ କରିଦେଇଛନ୍ତି ।