ସୁକିନ୍ଦା (ବଡ଼ ଖବର ବ୍ୟୁରୋ): ଭୋକର ଭୂଗୋଳ ଯାଜପୁର ଜିଲ୍ଳା ନଗଡ଼ାରେ ବଡ଼ ଖବର । ପୁଷ୍ଟିହୀନତାର ଶିକାର ହେଉଥିବା ଶିଶୁ ଓ ସେମାନଙ୍କ ପରିବାରର ସଦସ୍ୟଙ୍କ ମୁହଁରେ ହସ ଫୁଟାଇବା ପାଇଁ ବଡ଼ ଖବର ତା’ର ସାମାଜିକ ଦାୟିତ୍ୱବୋଧକୁ ତୁଲାଇବାକୁ ଯାଉଛି ।
ସୋମବାରଠାରୁ ତଳ ନଗଡ଼ା, ଉପର ନଗଡ଼ା, ମଝି ନଗଡ଼ା, ନାଲିଆଡାକ, ଗୋହିଆଶୋଳ, ଅଶୋକଝର, ପୁରୁଣାପାଣି, କାଞ୍ଜିଆପାଳରେ ବଣ୍ଟାଯିବ ଶୁଖିଲା ଖାଦ୍ୟ । ପ୍ରତିଦିନ ୫୦୦ ଲୋକଙ୍କୁ ବଣ୍ଟାଯିବ ଚାଉଳ, ଡାଲି, ବିସ୍କୁଟ, ହଳଦୀଗୁଣ୍ଡ, ଲୁଣ ପ୍ରଭୃତି । ବଡ଼ ଖବରର ଏହି ବଡ଼ ଅଭିଯାନରେ ସାମିଲ ହୋଇଛି ସତାର ସ୍ମୃତି ସଂସଦ ।
ଦୀର୍ଘ ୨୦ବର୍ଷ ହେବ ସମାଜସେବାରେ ସାମିଲ୍ ହୋଇ ଜାତୀୟ ଓ ଅନ୍ତର୍ଜାତୀୟ ସ୍ତରରେ ସୁନାମ ଅର୍ଜନ କରିଥିବା ସତାର ସ୍ମୃତି ସଂସଦ ବଡ଼ ଖବର ଅଭିଯାନରେ ସାମିଲ ହୋଇଥିବାରୁ ମୁଖ୍ୟ ସମ୍ପାଦକ ଅର୍ଦ୍ଧେନ୍ଦୁ ଦାସ ସଂସଦର କର୍ମକର୍ତ୍ତାମାନଙ୍କୁ ସାଧୁବାଦ ଜଣାଇଛନ୍ତି ।
