ଭୁଲ ଇଞ୍ଜେକ୍ସନ ଦେଇ ନର୍ସ ନିଲମ୍ବିତ

ସମ୍ବଲପୁର(ବଡ଼ ଖବର ବ୍ୟୁରୋ): ବୁର୍ଲା କୋଭିଡ ହସ୍ପିଟାଲରେ ଚିକିତ୍ସାରେ ଅବହେଳା ଅଭିଯୋଗ ଘଟଣା । ନିଲମ୍ବିତ ହେଲେ ନର୍ସ । ବୁଧବାର ବୁର୍ଲା ଭିମସାର ହୃଦୟରୋଗ ବିବାଗର କ୍ୟାଥଲାବର ବରିଷ୍ଠ ସେବିକା ପୁର୍ଣ୍ଣୀମା କୁମ୍ଭାର କରୋନାରେ ଆକ୍ରାନ୍ତ ହୋଇ ଚିକିତ୍ସୀତ ହେଉଥବା ବେଳେ ହସ୍ପିଟାଲର ଜଣେ ନର୍ସଙ୍କ ନାମରେ ଅଭିଯୋଗ ଆଣିଥିଲେ । କରୋନା ରୋଗୀଙ୍କୁ ଦିଆଯାଉଥିବା ରେମଡେସିଭିର ଇଞ୍ଜେକ୍ସନ ଦିନକରେ ଥରେ ଦିଆଯାଉଥିବା ବେଳେ ସେବିକା ପୁର୍ଣ୍ଣୀମାଙ୍କୁ ଦିନକରେ ଦୁଇ ଥର ଦିଆଯାଇଥିଲା ।

ସେ ଏହାକୁ ପ୍ରତିବାଦ କରିଥିଲେ ମଧ୍ୟ ନର୍ସ ତାଙ୍କ କଥା ନମାନି ରେମଡେସିଭିର ଇଞ୍ଜେକ୍ସନ ତାଙ୍କୁ ଦେଇଥିଲେ । ଏହାକୁ ନେଇ ଭିମସାର କୋଭିଡ ହସ୍ପିଟାଲରେ ସଠିକ ଭାବେ ପ୍ରଶିକ୍ଷଣ ପାଇନଥିବା ସେବିକାଙ୍କୁ ନିୟୋଜିତ କରାଯାଉଥିବା ନେଇ ପ୍ରଶ୍ନ ଉଠୁଛି । ତେବେ ଏହି ଘଟଣାକୁ ନେଇ ଇଞ୍ଜେକ୍ସନ ଦେଇଥିବା ସେବିକା ଡେଲି ୱେଜେସ ଉର୍ବସୀ ନାଏକଙ୍କୁ କାର୍ଯ୍ୟରୁ ନିଲମ୍ବିତ କରିଦିଆଯାଇଛି ।