ମନରେଗା ଶ୍ରମିକଙ୍କ ପାଇଁ ସହାୟତା ଘୋଷଣା

ଭୁବନେଶ୍ୱର (ବଡ଼ ଖବର ବ୍ୟୁରୋ): ମନରେଗା ଶ୍ରମିକଙ୍କ ପାଇଁ ସହାୟତା ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏପ୍ରିଲ, ମେ ଓ ଜୁନ୍ ମାସ ପାଇଁ ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ପ୍ରତି ଶ୍ରମ ଦିବସ ପାଇଁ ଜବକାର୍ଡଧାରୀମାନେ ଅନରେଗା ଯୋଜନାରେ ଅତିରିକ୍ତ ୫୦ ଟଙ୍କା ଲେଖାଏଁ ସହାୟତା ପାଇବେ ।

ଏଥିରେ ରାଜ୍ୟରେ ଥିବା ୩୨ ଲକ୍ଷରୁ ଅଧିକ ମନରେଗା ଶ୍ରମିକ ଉପକୃତ ହେବେ ଏବଂ ୭ ଦିନ ମଧ୍ୟରେ ଏହି ଟଙ୍କା ଆକାଉଣ୍ଟକୁ ଯିବ । ଏହି ବାବଦରେ ୩୩୨କୋଟି ଟଙ୍କା ଖର୍ଚ୍ଚ ହେବ ।