ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଅସନ୍ତୁଷ୍ଟ ସିବିଏସଇ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ପୁଣି ପରୀକ୍ଷା । ନିଜ ରେଜଲ୍ଟରେ ଖୁସି ନଥିବା ଓ କମ୍ପାର୍ଟମେଣ୍ଟ ପିଲାମାନଙ୍କ ପାଇଁ ସିବିଏସ୍ଇ ପରୀକ୍ଷା ତାରିଖ ଘୋଷଣା କରିଛି। ଉଭୟ ଦଶମ ଓ ଦ୍ୱାଦଶ ଶ୍ରେଣୀର ପିଲାଙ୍କ ପରୀକ୍ଷା ତାରିଖ ବୋର୍ଡ ପକ୍ଷରୁ ପ୍ରକାଶ କରାଯାଇଛି। ସିବିଏସ୍ଇ ୧୦ମ ଶ୍ରେଣୀ ପିଲାଙ୍କ ପରୀକ୍ଷା ଅଗଷ୍ଟ ୨୫ରୁ ଆରମ୍ଭ ହୋଇ ସେପ୍ଟେମ୍ବର ୮ ଯାଏ ଚାଲିବ।
ସେହିପରି ଦ୍ୱାଦଶ ଶ୍ରେଣୀ ପିଲାମାନେ ଅଗଷ୍ଟ ୨୫ରୁ ସେପ୍ଟେମ୍ବର ୧୬ ଯାଏ ପରୀକ୍ଷା ଦେବେ। ସିବିଏସ୍ଇ ପକ୍ଷରୁ କୁହାଯାଇଛି ଯେ ସକାଳ ୧୦.୩୦ରୁ ସବୁ ପରୀକ୍ଷା ଆରମ୍ଭ ହେବ। ଦିନ ୧୦ଟାରେ ପ୍ରଥମେ ଉତ୍ତରଖାତା ଓ ୧୦.୧୫ରେ ପିଲାମାନଙ୍କୁ ପ୍ରଶ୍ନପତ୍ର ଦିଆଯିବ। ୧୫ ମିନିଟ୍ ପିଲାମାନଙ୍କୁ ପ୍ରଶ୍ନ ପଢ଼ିବାକୁ ଦିଆଯିବ। ଠିକ୍ ଦିନ ୧୦.୩୦ରେ ପରୀକ୍ଷା ଆରମ୍ଭ ହେବ। ପରୀକ୍ଷା ପାଇଁ ପିଲାମାନଙ୍କୁ ଦୁଇ ଘଣ୍ଟା ସମୟ ମିଳିବ।
