ଆରମ୍ଭ ହେଲାଣି କାଉଣ୍ଟଡାଉନ, କାଲି ମହାକାଶକୁ ଯିବ ଆଉ ଏକ ଉପଗ୍ରହ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତୀୟ ମହାକାଶ ଗବେଷଣା ସଂଗଠନ ଇସ୍ରୋ ଆସନ୍ତାକାଲି ଅର୍ଥାତ୍ ଗୁରୁବାର ନୂତନ ରେକର୍ଡ ସୃଷ୍ଟି କରିବାକୁ ଯାଉଛି । ୭୫ ତମ ସ୍ୱାଧୀନତା ଦିବସର ତିନିଦିନ ପୂର୍ବରୁ ଭାରତ ମହାକାଶକୁ ପଠାଇବ ଆଉ ଏକ ଉପଗ୍ରହ । ଏହା ଅଧୀନରେ ମହାକାଶରୁ ଦେଶକୁ ନଜର ରଖାଯାଇପାରିବ। ଦେଶର ପ୍ରଥମ ଉପଗ୍ରହ ଇସ୍ରୋ ଇଓଏସ-୦୩ ଉତକ୍ଷେପଣ କରିବାକୁ ଯାଉଛି । ଏଥିପାଇଁ କାଉଣ୍ଟଡାଉନ୍ ଆରମ୍ଭ ହୋଇଛି ।
ଏହାର ସଫଳତା ପରେ ଭାରତର ଶକ୍ତି ବୃଦ୍ଧି ପାଇବ। ଏହି ଉପଗ୍ରହ ଭାରତରେ ବନ୍ୟା ଏବଂ ପ୍ରାକୃତିକ ବିପର୍ଯ୍ୟୟ ଉପରେ ନଜର ରଖିବାରେ ସକ୍ଷମ ହେବ। ଜିଓସିଙ୍କ୍ରୋନସ୍ ସାଟେଲାଇଟ୍ ଲଞ୍ଚ ଯାନ ଏଫ୧୦ଇଓଏସ-୦୩ ଉତକ୍ଷେପଣ ପାଇଁ କାଉଣ୍ଟଡାଉନ୍ ଆଜି ଶ୍ରୀହାରିକୋଟା ସତୀଶ ଧାୱନ ସ୍ପେସ୍ ସେଣ୍ଟରରେ ଆରମ୍ଭ ହୋଇଛି।
ଏହା ଅଗଷ୍ଟ ୧୨ ସକାଳ ୫:୪୩ ରେ କରାଯିବ। ଇଓଏସ-୦୩ ହେଉଛି ଏକ ଉଚ୍ଚ ଉନ୍ନତ ଉପଗ୍ରହ । ଜିଏସଏଲଭି ଏଫ-୧୦ ଯାନ ସାହାଯ୍ୟରେ ପୃଥିବୀ କକ୍ଷପଥରେ ଅବସ୍ଥାପିତ କରାଯିବ । ପରୀକ୍ଷା ସଫଳ ହେଲେ ଭାରତର ଶକ୍ତି ଆହୁରି ବୃଦ୍ଧି ପାଇବ । ପାଣିପାଗ ସମ୍ପର୍କରେ ଠିକ୍ ସମୟରେ ଠିକ୍ ସୂଚନା ମିଳିପାରିବ ।
