ଦେଶରେ କରୋନା ସଂକ୍ରମଣ ପୁଣି ବଢିଲା

(ବଡ଼ ଖବର ବ୍ୟୁରୋ): ଦେଶରେ କରୋନା ସଂକ୍ରମଣ ମାମଲା ପୁଣି ବଢିବାରେ ଲାଗିଛି । ଗତ ୨୪ ଘଣ୍ଟାରେ ଦେଶରେ ୪୧,୫୭୬ ଟି ନୂଆ ମାମଲା ପଞ୍ଜିକୃତ ହୋଇଛି । ଏଥିସହିତ ୪୯୧ ଜଣ ପ୍ରାଣ ହରାଇଛନ୍ତି ।

୩୯,୧୨୫ ରୋଗୀ ଆରୋଗ୍ୟ ଲାଭ କରିଛନ୍ତି । ସଂକ୍ରମଣ ସଂଖ୍ୟା ୪୦ ହଜାର ଅତିକ୍ରମ କରିଛି । ପୂର୍ବରୁ ଏହି ସଂଖ୍ୟା ୪୦ ହଜାରରୁ କମ୍ ଥିଲା । ଅଗଷ୍ଟ ୫ରେ ୪୫ ହଜାର ମାମଲା ସାମ୍ନାକୁ ଆସିଥିଲା ।

କେରଳରେ ବର୍ତ୍ତମାନ କରୋନା ମାମଲା କ୍ରମାଗତ ଭାବେ ବୃଦ୍ଧି ପାଉଛି । ଏଠାରେ ୨୩,୫୦୦ ରୋଗୀଙ୍କ ରିପୋର୍ଟ ସକରାତ୍ମକ ହୋଇଛି ।