ବନ୍ଧୁକ ମୁନରେ ଲୁଟ

ଆଠଗଡ (ବଡ଼ ଖବର ବ୍ୟୁରୋ): ମାତିଲେଣି ଲୁଟେରା । ଲୁଟ କରିବାକୁ ଭୟ କରୁ ନାହାନ୍ତି ସାଧାରଣ ଜନତାଙ୍କୁ କିମ୍ବା ଖାକିପୋଷାକ ପିନ୍ଧିଥିବା ପୋଲିସଙ୍କଠାରୁ । ଦିନ ଦ୍ଵିପ୍ରହରରେ ହେଉ ଅଥବା ରାତିରେ ବେଧଡକ ଭାବରେ ଲୁଟୁଛନ୍ତି ଲୁଟେରା । ଏଭଳି ଦୃଶ୍ୟ ଦେଖିବାକୁ ମିଳିଛି କଟକ ଜିଲ୍ଲା ତିଗିରିଆ ଥାନା ପାଞ୍ଚ ଗାଁ ନିକଟରେ ଥିବା ଏଚ ପି ପେଟ୍ରୋଲ ପମ୍ପରେ ।

ତିନିଜଣ ଲୁଟେରା ଏକ ବାଇକରେ ତେଲ ପକାଇବା ବାହାନାରେ ଆସି ତେଲ ପକାଇ ଟଙ୍କା ମଧ୍ୟ ଦେଇଥିଲେ । କିନ୍ତୁ ପଛରେ ବସିଥିବା ଲୁଟେରା ତେଲ ପକାଉଥିବା ଯୁବକକୁ ବନ୍ଧୁକ ଲଗାଇ ଟଙ୍କା ବ୍ୟାଗ ମାଗିଥିଲା। ହଠାତ କିଛି ବୁଝି ନ ପାରି ଆବକ ହୋଇଥିଲା ପେଟ୍ରୋଲ ଦେଉଥିବା କର୍ମଚାରୀ ଜଣକ।

ତେବେ ଅନ୍ୟ ଦୁଇ ଲୁଟେରା ଜବରଦସ୍ତ ବ୍ୟାଗଟିକୁ ନେଇ ଫେରାର ହୋଇଯାଇଥିଲେ । ତେବେ ଏ ନେଇ ପେଟ୍ରୋଲ ପମ୍ପ ପକ୍ଷରୁ ତିଗିରିଆ ଥାନାରେ ଏତଲା ଦେଇଥିଲେ ପମ୍ପ ମାଲିକ। ଖବର ପାଇ ତିଗିରିଆ ପୋଲିସର ତଦନ୍ତ ଚଳାଇଛି।