ଦଶରଥପୁର(ବଡ଼ ଖବର ବ୍ୟୁରୋ): ଆଦର୍ଶ ପଞ୍ଚାୟତରେ ମହାଦୁର୍ନୀତି। ଯାଜପୁର ଜିଲ୍ଲା ବିଂଝାରପୁର ନିର୍ବାଚନ ମଣ୍ଡଳୀ ଦଶରଥପୁର ବ୍ଲକର ପାଲଟପୁର ପଞ୍ଚାୟତରେ ମହାଦୁର୍ନୀତି ଅଭିଯୋଗ। ୨୦୧୮-୧୯ ମସିହାରେ ପିଠା ଯୋଜନାରେ ରାଜ୍ୟ ସରକାର ପାଲଟପୁର ପଞ୍ଚାୟତକୁ ଆଦର୍ଶ ପଞ୍ଚାୟତର ମାନ୍ୟତା ଦେବା ସହ ପଞ୍ଚାୟତର ଉନ୍ନତି କରଣ ନିମନ୍ତେ ଲକ୍ଷଲକ୍ଷ ଟଙ୍କାର ଅର୍ଥ ପ୍ରଦାନ କରିଥିଲେ। କିନ୍ତୁ ଆସିଥିବା ସରକାରୀ ଅର୍ଥକୁ ସଠିକ ଭାବେ କାମ ନକରି ଅଧାପନ୍ତରିଆ ନିମ୍ନ ମାନର କାମ କରି ଏହାକୁ ଚଳୁ କରିଛନ୍ତି ପଞ୍ଚାୟତର ସରପଞ୍ଚଙ୍କ ସ୍ୱାମୀ ଏବଂ ପଞ୍ଚାୟତର କିଛି ମାଫିଆ ।
ଯାହାଫଳରେ ପଞ୍ଚାୟତବାସୀଙ୍କ ମନରେ ତୀବ୍ର ପ୍ରତିକ୍ରିୟା ଦେଖିବାକୁ ମିଳିଛି, ଏହି ପଞ୍ଚାୟତକୁ ପାଠାଗାର ନିର୍ମାଣ, ଶୌଚାଳୟ, ଏବଂ ପଞ୍ଚାୟତର ପାର୍କ ନିର୍ମାଣ ନିମନ୍ତେ ଆସିଥିଲା ଲକ୍ଷ ଲକ୍ଷ ଟଙ୍କାର ଅର୍ଥ। କିନ୍ତୁ କୋଉଠି ଅଧାପାନ୍ତରିଆ କାମ ଏବଂ କୋଉଠି ବିନା କାମରେ ରାଜ୍ୟ ରାଜକୋଷରୁ ଲୁଟି ନେଇଛନ୍ତି ଲକ୍ଷଲକ୍ଷ ଟଙ୍କା । ବ୍ଲକ ଏବଂ ଜିଲ୍ଲା ପ୍ରଶାସନ ନିରବ । ସରକାର ଏଥିପ୍ରତି ଦୃଷ୍ଟି ଦେଇ ଏମାନଙ୍କ ବିରୋଧ ରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ସାଧାରଣତଃରେ ଦାବି ହୋଇଛି।
