ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ତାଲିବାନ କିଛି ଦିନ ପୂର୍ବରୁ ନିଜର ସରକାର ଗଠନ କରିଛି । ହେଲେ ନିଜର ଅଧିକାଂଶ ମନ୍ତ୍ରୀମଣ୍ଡଳରେ ଥିବା ମନ୍ତ୍ରୀମାନେ ଆତଙ୍କବାଦୀ । ବିଶ୍ବ ଆତଙ୍କୀ ତାଲିକାରେ ତାଲିବାନ ସରକାରରେ ଥିବା ପ୍ରଧାନମନ୍ତ୍ରୀ ହସନ ଅଖୁନ୍ଦ, ଗୃହମନ୍ତ୍ରୀ ସିରାଜୁଦ୍ଦିନ ହକାନୀ ଏବଂ ଶରଣାର୍ଥୀ ବିଭାଗ ମନ୍ତ୍ରୀ ଖଲିଲ ହକାନୀଙ୍କ ନାଁ ରହିଛି ।
ଅପରପକ୍ଷରେ ଶପଥ ଗ୍ରହଣ ଉତ୍ସବକୁ ଚୀନ, ତୁର୍କୀ, ପାକିସ୍ତାନ, କତାର, ଇରାନ, ଋଷ ସମେତ ଭାରତ ଏପରିକି ଆମେରିକାକୁ ମଧ୍ୟ ନିମନ୍ତ୍ରଣ କରାଯାଇଛି । ତେବେ ଶପଥଗ୍ରହଣ ଉତ୍ସବକୁ ଋଷିଆ ଆସିବନାହିଁ ବୋଲି ସ୍ପଷ୍ଟ କରିଛି । କାଲିଠାରୁ ଆଫଗାନିସ୍ତାନରେ ନୂଆ ସରକାର କାର୍ୟ୍ୟଆରମ୍ଭ କରିବ । ଏପଟେ ଜାତିସଂଘର ସ୍ବତନ୍ତ୍ର ପ୍ରତିନିଧି କହିଛନ୍ତି ଆଫଗାନବାସୀଙ୍କ ଜୀବନ ନିର୍ଭର କରୁଛି ତାଲିବାନ ସରକାରର କାର୍ୟ୍ୟଶୈଳୀ ଉପରେ ।
