ଅଭିଷେକ ବାନାର୍ଜୀଙ୍କୁ ପୁଣି ଇଡ଼ିର ନୋଟିସ

କୋଲକାତା(ବଡ଼ ଖବର ବ୍ୟୁରୋ): ତୃଣମୂଳ କଂଗ୍ରେସ ସାଂସଦ ଅଭିଷେକ ବାନାର୍ଜୀଙ୍କ ଅଡ଼ୁଆ ଦିନକୁ ଦିନ ବଢିବାରେ ଲାଗିଛି । ଏହା ମଧ୍ୟରେ ଅଭିଷେକ ବାନାର୍ଜୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ପୁଣିଥରେ ପଚରାଉଚରା କରିବା ପାଇଁ ଯାଉଛି । ଏନେଇ ଇଡ଼ି ନୋଟିସ ପଠାଇଥିବାର ସୂଚନା ମିଳିଛି । ତେବେ ବହୁ ଚର୍ଚ୍ଚିତ କୋଇଲା ଘୋଟାଲା ସହ ଜଡ଼ିତ ଥିବା ଅଭିଷେକ ବାନାର୍ଜୀଙ୍କୁ ଇଡ଼ି ଏହା ପୂର୍ବରୁ ଜେରା କରିସାରିଛି ।

ଅପରପକ୍ଷରେ ସେପ୍ଟେମ୍ବର ୨୦ କିମ୍ବା ୨୧ ତାରିଖରେ ଅଭିଷେକ ବାନାର୍ଜୀଙ୍କୁ ଇଡ଼ି ଜେରା କରିପାରେ ବୋଲି ଅନୁମାନ କରାଯାଉଛି । କେବଳ ଅଭିଷେକ ନୁହଁନ୍ତି ବରଂ କୋଇଲା ଘୋଟାଲା ମାମଲାରେ ଅନେକ ରାଜନେତାମାନଙ୍କର ନାମ ସାମ୍ନାକୁ ଆସିଥିଲା ।