ଯନ୍ତ୍ରୀଙ୍କୁ କାଦୁଅରେ ଚଲାଇଲେ ଗ୍ରାମବାସୀ

ଖୋର୍ଦ୍ଧା (ବଡ଼ ଖବର ବ୍ୟୁରୋ): ଯନ୍ତ୍ରୀଙ୍କୁ କାଦୁଅରେ ଚଲାଇଲେ ଗ୍ରାମବାସୀ। ରାସ୍ତା କାର୍ଯ୍ୟ ଠିକ୍ ସମୟରେ ନ ସରିବାରୁ ତାତିଲେ ଗ୍ରାମବାସୀ। ବିଭାଗୀୟ ଏସଡିଓ ଓ କନିଷ୍ଠ ଯନ୍ତ୍ରୀଙ୍କୁ କାଦୁଅ ରାସ୍ତାରେ ଚଲାଇଛନ୍ତି । ଲଗାଣ ବର୍ଷା ଯୋଗୁଁ ମଲାଗୁଣି ନଦୀ ଫୁଲିଉଠିଛି। ମଲାଗୁଣି ପାଣି ଟାଙ୍ଗୀ ବ୍ଲକ୍ ଲେଣ୍ଡୋ ପଞ୍ଚାୟତ ଭଗବତୀପଡା ଗାଁ ନିକଟରେ ଘଳିଆ ଫିଟି ପାଣି ଯାଉଛି।ବନ୍ଧ ଉପରେ ବାଲିବସ୍ତା ଦିଆଯାଇଛି।

ଗୋଳବାଇ- କଣାସ ରାସ୍ତାକୁ ସଂଯୋଗ କରୁଥିବା ଭଗବତୀପଡା ଏକମାତ୍ର ରାସ୍ତା। ଜଳସେଚନ ବିଭାଗ ପକ୍ଷରୁ ଜାମ୍ମୁଝରୀ ନାଳ କଡ଼ରେ ଗଡ଼ୱ।ଲ ନିର୍ମାଣ ଲାଗି ୬୦ଲକ୍ଷ ଟଙ୍କା ବ୍ୟୟ ଅଟକଳ ହୋଇଛି। ସିମେଣ୍ଟ କଂକ୍ରିଟରେ ଗଡୱ।ଲ ପାଚେରୀ କାମ ହେଉଥିବା ଯୋଗୁଁ ରାସ୍ତାଟିକୁ ସମ୍ପୂର୍ଣ୍ଣ କାଟାଯାଇ ତା ଉପରେ ମାଟି ପକାଯାଇଥିଲା ।

ମାତ୍ର ଲଗାଣ ବର୍ଷା ଯୋଗୁଁ ରାସ୍ତାଟି ପାଣିକାଦୁଅରେ ଭରିଛି । ତେବେ ରାସ୍ତା ମରାମତି ପାଇଁ ଗ୍ରାମବାସୀ ବିଭାଗୀୟ ଅଧିକାରୀଙ୍କୁ ଜଣାଇଥିଲେ । ରଜ ପୂର୍ବରୁ କାମ ସାରିବା ପାଇଁ ପ୍ରତିଶୃତି ଦେଇଥିଲେ ମଧ୍ୟ ସମ୍ପୁର୍ଣ୍ଣ ହୋଇନାହିଁ । ଲଗାଣ ବର୍ଷା ଯୋଗୁଁ ମଲାଗୁଣି ନଦୀ ପାଣି ରାସ୍ତା ଉପର ଦେଇ ଯାଉଥିବାରୁ ଜଳସେଚନ ବିଭାଗର ରାଜୁଆ ଡିଭିଜନର ଏସଡିଓ ଓ କନିଷ୍ଠ ଯନ୍ତ୍ରୀ ଉକ୍ତ ସ୍ଥାନକୁ ଯାଇଥିଲେ। ଉତ୍ୟକ୍ତ ଲୋକେ ବିଭାଗୀୟ ଅଧିକାରୀଙ୍କୁ ସେହି କାଦୁଅ ପଚପଚ ରାସ୍ତାରେ ଚଲାଇଥିବା ଜଣାପଡିଛି।