ପାକିସ୍ତାନର ଷଡ଼ଯନ୍ତ୍ର, ୬ ଆତଙ୍କୀ ଗିରଫ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଧରାପଡ଼ିଚଇ ପାକିସ୍ତାନି ଆତଙ୍କୀଙ୍କ ଷଡ଼ଯନ୍ତ୍ର । । ୬ ଜଣଙ୍କୁ ଗିରଫ କରିଛି ଦିଲ୍ଲୀ ପୋଲିସ । । ଏମାନଙ୍କ ମଧ୍ୟରେ ୨ ଜଣ ପାକିସ୍ତାନ ପ୍ରଶିକ୍ଷିତ ଆତଙ୍କବାଦୀ ରହିଛନ୍ତି ସେମାନଙ୍କ ଠାରୁ କେତୋଟି ବନ୍ଧୁକ ଓ ବିଷ୍ଫୋରକ ସାମ୍ରଗୀ ମଧ୍ୟ ଜବତ କରାଯାଇଛି ।

ଏହି ଗ୍ୟାଙ୍ଗ ଦେଶର ବିଭିନ୍ନ ସ୍ଥାନରେ ବୋମା ବସ୍ଫୋରଣ କରିବା ସହ ହତ୍ୟା କରିବାକୁ ଷଡ଼ଯନ୍ତ୍ର କରୁଥିଲା ବୋଲି ପୋଲିସ କହିଛି । ଗିରଫ ଦୁଇ ଆତଙ୍କବାଦୀ ପାକିସ୍ତାନୀ ଆତଙ୍କବାଦୀ ସଙ୍ଗଠନ ଦ୍ୱାରା ପ୍ରଶିକ୍ଷଣ ଦିଆଯାଇଥିବା ପୋଲିସ ପ୍ରାଥମିକ ତଦନ୍ତରୁ ଜାଣବାକୁ ପାଇଛି । ସୂଚନା ଅନୁସାରେ ଓସାମା ଓ ଜୀଶାନ ଓମାନର ମସ୍କଟ ରାସ୍ତାରେ ଯାଇ ପାକିସ୍ତାନର କରାଚିରେ ପହଁଚିଥିଲେ ।

ସେଠାରେ ସେମାନଙ୍କୁ ଆତଙ୍କବାଦୀ ଟ୍ରେନିଂ ଦିଆଯାଇଥିଲା । ପାକିସ୍ତାନର ଦୁଇ ଆର୍ମି ଅଧିକାରୀ ସେମାନଙ୍କୁ ଟ୍ରେନିଂ ଦେଇଥିଲେ । ସେମାନଙ୍କ ସହ ଜଣେ ପାକିସ୍ତାନୀ ନାଗରୀକ ମଧ୍ୟ ଉପସ୍ଥିତ ଥିଲେ ।