କାବୁଲରେ ପୁଣି ରକେଟ୍ ମାଡ଼

(ବଡ଼ ଖବର ବ୍ୟୁରୋ): କାବୁଲରେ ପୁଣି ସିରିଏଲ ରକେଟ୍ ମାଡ଼ । କାବୁଲର ପାୱାର ଷ୍ଟେସନକୁ ଟାର୍ଗେଟ କରି ରକେଟ୍ ମାଡ଼ କରାଯାଇଥିବା ସୂଚନା ମିଳିଛି । ଏହି ରକେଟ୍ ମାଡ଼ ପଛରେ ଆତଙ୍କବାଦୀ ସଙ୍ଗଠନ ଆଇଏସଆଇଏସ ହାତ ଥିବା କୁହାଯାଉଛି । ରକେଟ ମାଡ଼ ଫଳରେ କାବୁଲ ସହରର ଅନେକ ସ୍ଥାନରେ ବିଜୁଳି ଯୋଗାଣ ବନ୍ଦ ରହିଛି ।

ଏହାପୂର୍ବରୁ ଆଫଗାନିସ୍ତାନର କାବୁଲ ଅନ୍ତର୍ଜାତୀୟ ବିମାନବନ୍ଦରରେ ଅଗଷ୍ଟ ୨୬ ତାରିଖରେ ଆତଙ୍କବାଦୀ ଆକ୍ରମଣ ହୋଇଥିଲା । ଏହି ଆକ୍ରମଣରେ ୧୩ ଜଣ ଆମେରିକୀୟ ସୈନିକଙ୍କ ସମେତ ୧୦୦ ରୁ ଅଧିକ ଲୋକ ପ୍ରାଣ ହରାଇଥିଲେ ।