ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ ରେକର୍ଡ ସୃଷ୍ଟି କରିଛି ଟିକାକରଣ । ଗୋଟିଏ ଦିନରେ ୪ ଲକ୍ଷ୧୬ ହଜାର ୪୫୪ଜଣ ଟିକା ନେଇଛନ୍ତି । ଯାହାକି ଆଜି ପର୍ଯ୍ୟନ୍ତ ଟିକାକରଣରେ ସର୍ବକାଳୀନ ରେକର୍ଡ । ଗତ ଜୁଲାଇ ମାସରେ ଗୋଟିଏ ଦିନରେ ୪.୨ ଲକ୍ଷ ଟିକାକରଣ ହୋଇଥିଲା । ଆଜିର ଟିକାକରଣ ସଂଖ୍ୟାକୁ ମିଶାଇ ରାଜ୍ୟରେ ଏପର୍ଯ୍ୟନ୍ତ ୨ କୋଟି ୭୯ଲକ୍ଷ ୩୪ ହଜାର ୭୪୪ ଡୋଜ ଟିକାଦିଆଗଲାଣି ।
ଚଳିତ ମାସ ଠାରୁ ରାଜ୍ୟ ସରକାର ଦୈନିକ ୪.୧୩ ଲକ୍ଷ ଟିକା ଦେବା ଲାଗି ଲକ୍ଷ୍ୟ ଧାର୍ଯ୍ୟ କରିଥିଲେ । କେନ୍ଦ୍ର ସରକାର ଓଡ଼ିଶାକୁ ଅଧିକ ଟିକା ଦେବାପରେ ରାଜ୍ୟ ସରକାର ଟିକାକରଣ ଲକ୍ଷ୍ୟରେ ସଂଶୋଧନ କରିଥିଲେ । ଏଥିପାଇଁ ପ୍ରତ୍ୟେକ ଜିଲ୍ଲାକୁ ନୂତନ ଦୈନିକ ଟିକାକରଣ ଲକ୍ଷ୍ୟ ଧାର୍ଯ୍ୟ କରାଯାଇଥିଲା ।
