କିଡନୀ ରୋଗ ଆତଙ୍କ

ଘସିପୁରା (ବଡ଼ ଖବର ବ୍ୟୁରୋ): କିଡନୀ ରୋଗରେ ଦୁଇ ତିନି ବର୍ଷ ଭିତରେ ଗଲାଣୀ ଅନେକ ଅମୂଲ୍ୟ ଜୀବନ। ଘସିପୁରା ବ୍ଲକ ପୁରୁଣା ବାନ୍ଧଗୋଡା ପଞ୍ଚାୟତ ବିଲାବନ୍ଧ ଗାଁରେ ଏବେ ବି ଅନେକ ସଂକ୍ରମିତ । ଦୁଇ ତିନି ବର୍ଷ ଭିତରେ କେତେ ଜଣ କିଡନୀ ରୋଗରେ ଆକ୍ରାନ୍ତ ହୋଇ ମୃତ୍ୟୁରେ ପଡ଼ିଥିବା ବେଳେ ଏବେବି ଅନେକ ଆକ୍ରାନ୍ତ ଅଛନ୍ତି। ଅଭାବ ଅନାଟନ ଭିତରେ ଡାକ୍ତରି ଚିକିତ୍ସାରୁ ବଞ୍ଚିତ ।

ଏତେ ସଂଖ୍ୟକ ଲୋକ ଆକ୍ରାନ୍ତକୁ ନେଇ ଗାଁରେ ଭୟର ବାତା ଲାଗି ରହିଛି। ରୋଗ ସଂକ୍ରମଣର ସଠିକ କାରଣ ଜଣା ପଡୁନଥିଲେ ମଧ୍ୟ ଲୋକେ ବ୍ୟବହାର କରୁଥିବା ପାନୀୟ ଜଳ ଏହାର ମୁଖ୍ୟ କାରଣ ବୋଲି କୁହାଯାଉଛି । ଲୋକଙ୍କ ସ୍ୱାସ୍ଥ୍ୟ ସମସ୍ୟା ସମ୍ପର୍କିତ ଘଟଣାକୁ ଆଖି ଆଗରେ ରଖି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ବିଲାବନ୍ଧ ଗ୍ରାମକୁ ଏକ ସ୍ୱତନ୍ତ୍ର ଡାକ୍ତରି ଦଳ ପଠାଇ ଲୋକଙ୍କ ସ୍ୱାସ୍ଥ୍ୟ ପରୀକ୍ଷା କରିବା ସହ ମାଗଣା ଚିକିତ୍ସା ସେବା ଯୋଗାଇ ଦେବାକୁ ଗ୍ରାମବାସୀଙ୍କ ପକ୍ଷରୁ ଦାବି କରାଯାଉଛି ।