ଆଜି ଆଇପିଏଲରେ କୋହଲିଙ୍କୁ ଟକ୍କର ଦେବେ ଏହି ଖେଳାଳି

ଦୁବାଇ(ବଡ଼ ଖବର ବ୍ୟୁରୋ) : ଆଜି ଆଇପିଏଲର ୧୯ତମ ମ୍ୟାଚରେ ମୁହାଁମୁହିଁ ହେବେ ଦିଲ୍ଲୀ କ୍ୟାପିଟାଲ୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ବିରାଟ କୋହଲିଙ୍କୁ ଟକ୍କର ଦେବେ ଶ୍ରେୟସ୍ ଆୟର । ଉଭୟ ଦଳ ଆଜି ସେମାନଙ୍କ ପଞ୍ଚମ ମ୍ୟାଚ ଦୁବାଇରେ ଖେଳିବେ । ଗତ ମ୍ୟାଚରେ ବିରାଟ ଧୁଆଁଧାର ବ୍ୟାଟିଂ କରି ଦଳକୁ ବିଜୟ ଭେଟି ଦେଇଥିବା ବେଳେ ଶ୍ରେୟସ୍ ଆୟର ମଧ୍ୟ ଚତ୍ମକାର ବ୍ୟାଟିଂ କରି ଦଳକୁ ବିଜୟ ଭେଟି ଦେଇଥିଲେ । ତେଣୁ ଆଜି ସମସ୍ତଙ୍କ ନଜର ଉଭୟ ଦଳର କ୍ୟାପଟେନଙ୍କ ଉପରେ ରହିବ । ଆଇପିଏଲ ଇତିହାସରେ ଉଭୟ ଦଳ ଏବେ ସୁଦ୍ଧା ୨୩ଟି ମ୍ୟାଚରେ ସାମ୍ନାସାମ୍ନି ହୋଇଛନ୍ତି । ସେଥିମଧ୍ୟରୁ ଆଠଟି ମ୍ୟାଚ ଦିଲ୍ଲୀ ଜିତିଥିବା ବେଳେ ଚଉଦଟି ମ୍ୟାଚ ବାଙ୍ଗାଲୋର ଜିତିଛି ଏବଂ ଗୋଟିଏ ମ୍ୟାଚ ଡ୍ର ରହିଥିଲା । ବର୍ତ୍ତମାନ ପଏଣ୍ଟେ ଟେବୁଲରେ ଦିଲ୍ଲୀ ଦ୍ୱିତୀୟ ସ୍ଥାନରେ ଥିବା ବେଳେ ବାଙ୍ଗାଲୋର ତୃତୀୟ ସ୍ଥାନରେ ରହିଛି । ତେବେ ଏହି ମ୍ୟାଚକୁ ଜିତି ଉଭୟ ଦଳ ପଏଣ୍ଟେ ଟେବୁଲରେ ଉପରକୁ ଯିବା ପାଇଁ ଚେଷ୍ଟା କରିବେ ।