କେସିଙ୍ଗା(ବଡ଼ ଖବର ବ୍ୟୁରୋ): କେସିଙ୍ଗା ବ୍ଲକ ପଥର୍ଲା ପଞ୍ଚାୟତ ଗୈାଡ଼ ତୁଳା ଗାଁର ଦୟାନିଧି ସାହୁ । ତାଙ୍କ ପରିବାର କହିଲେ ସ୍ତ୍ରୀ, ବିଧବା ଝିଅ ଓ ନାତୁଣୀ । ଗାଁ ପାଖରେ ରାତ୍ର ଜଗୁଆଳି ଭାବରେ କାମ କରି ପରିବାର ଚଳାନ୍ତି ଦୟାନିଧି । ଦୀର୍ଘ ୧୫ବର୍ଷ ହେଲା ସେ ଭାଙ୍ଗିଯାଇଥିବା ଘରକୁ ମରାମତି କରିପାରୁ ନାହାନ୍ତି । ଘରର କାନ୍ଥ ଭାଙ୍ଗି ଆଁ କରିଛି । କେତେବେଳେ ଭୁଶୁଡ଼ି ପଡ଼ିବ କହିବା ଅସମ୍ଭବ। ତଥାପି ସେହି ଭଙ୍ଗା ଘରେ ଜୀବନ ବିତାଉଛନ୍ତି ତାଙ୍କ ପରିବାର । ଘର ଖଣ୍ଡେ ପାଇଁ ସେ ବହୁବାର ସରପଞ୍ଚ ଓ ବିଡ଼ିଓଙ୍କ ଦ୍ୱାରସ୍ଥ ହୋଇଛନ୍ତି । ମାତ୍ର ଆଜି ପର୍ୟ୍ୟନ୍ତ ତାଙ୍କୁ ତରଫରୁ ଘର ଖଣ୍ଡେ ମିଳିଲା ନାହିଁ । ଏସିସି ତାଲିକାରେ ତାଙ୍କ ନାଁ ନଥିବାରୁ ସେ ଘର ପାଇନାହାନ୍ତି ବୋଲି ସ୍ଥାନୀୟ ସରପଞ୍ଚ କହୁଛନ୍ତି ।
