ମାଁ ସମଲେଶ୍ଵରୀଙ୍କ ଧବଳମୁଖୀ ବେଶ

ବଲାଙ୍ଗିର(ବଡ଼ ଖବର ବ୍ୟୁରୋ):  ଆଜି ପବିତ୍ର ମହାଳୟା। ଏହି ଅବସରରେ ବଲାଙ୍ଗିରର ଇଷ୍ଟଦେବୀ ମାଁ ସମଲେଶ୍ଵରୀଙ୍କ ଧବଳମୁଖୀ ବେଶ I ମାଙ୍କ ବେଶ ପାଇଁ ଆଜି ସକାଳ ୫ ଟାରୁ  ସକାଳ ମହାଆଳତି ଓ ମହାସ୍ନାନ କରାଯିବା ସହ ରୀତିକାନ୍ତିରେ ପୂଜାର୍ଚ୍ଚନା କରାଯାଇଥିଲା।  ଆଜି ଆଶ୍ଵିନ ମାସ କୃଷ୍ଣ ପକ୍ଷ ମହାଳୟା ଅମାବାସ୍ୟା ତିଥିରେ ମା ସମଲେଶ୍ଵରୀ ଧବଳମୁଖୀ ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି I ତେବେ ସବୁଦିନ ମାଙ୍କ ବର୍ଣ୍ଣ ଲୋହିତ ହୋଇଥିବା ବେଳେ ଆଜି ମାଁ ଶ୍ଵେତ ବର୍ଣ୍ଣ ଧାରଣ କରି ଦର୍ଶନ ଦେଉଛନ୍ତି I

ମାଙ୍କ ଏହି ଧବଳମୁଖୀ ବେଶକୁ ପାପହାରିଣୀ ଗଙ୍ଗା ବେଶ ବୋଲି ଭକ୍ତମାନେ ଗ୍ରହଣ କରିଥାନ୍ତି I ଆଜି ମାଙ୍କୁ ଦର୍ଶନ କଲେ ଗଙ୍ଗା ଦର୍ଶନର ପୁଣ୍ୟ ପ୍ରାପ୍ତ ହୁଏ ବୋଲି ଭକ୍ତଙ୍କ ବିଶ୍ବାସ ରହିଛି I ତେଣୁ ଭକ୍ତମାନେ ଆସି ମାଙ୍କ ଏହି ବେଶ ଦର୍ଶନ କରୁଛନ୍ତି I ହେଲେ କୋଭିଡ କଟକଣା ପାଇଁ ମନ୍ଦିର ବାହାରୁ ମାଙ୍କୁ ଦର୍ଶନ କରୁଛନ୍ତି ଶ୍ରଦ୍ଧାଳୁ।