ମାଗଣା ଭ୍ୟାକ୍ସିନ ଫଳରେ ବଢୁଛି ତୈଳ ଦର: ପେଟ୍ରୋଲିୟମ ମନ୍ତ୍ରୀ

ବଡ଼ ଖବର ବ୍ୟୁରୋ: ଦିନକୁ ଦିନ ତୈଳ ଦର ଆକାଶ ଛୁଆଁ ହେବାରେ ଲାଗିଛି । ଏପିରିକି ଦେଶରେ ବହୁ ଆଗରୁ ଏହାର ଦର ଶେନଚ୍ୟୁରି ପାର କରିସାରିଛି । ଏହା ମଧ୍ୟରେ କେନ୍ଦ୍ର ତୈଳ ମନ୍ତ୍ରୀଙ୍କ ବଡ଼ ବୟାନ ସାମ୍ନାକୁ ଆସିଛି । ତେବେ ମାଗଣାରେ କରୋନା ଭ୍ୟାକ୍ସିନ ଦିଆଯାଉଥିବାରୁ ତୈଳ ଦର ବୃଦ୍ଧି ହେଉଛି। ଗୋଟିଏ ଲିଟର ପେଟ୍ରୋଲ ଅପେକ୍ଷା ଗୋଟିଏ ଲିଟର ହିମାଳୟ ଜଳର ଦାମ ଅଧିକ। ତେଣୁ ପେଟ୍ରୋଲ ମହଙ୍ଗା ନୁହେଁ।

କେନ୍ଦ୍ର ଏବଂ ରାଜ୍ୟ ପେଟ୍ରୋଲ ଉପରେ ଟିକସ ଲଗାଇଛନ୍ତି। ଆପଣ ମାଗଣାରେ କୋଭିଡ୍ -୧୯ ଟିକା ପାଉଛନ୍ତି। କୋଭିଡ -୧୯ ଟିକା ପାଇଁ ଟଙ୍କା କେଉଁଠୁ ଆସିବ ବୋଲି ସେ ପ୍ରଶ୍ନ କରିଛନ୍ତି। ଆପଣ ଟିକା ପାଇଁ ମୂଲ୍ୟ ଦେଉ ନାହାନ୍ତି। ଏହି ଟିକସରୁ ଟିକା ମୂଲ୍ୟ ଭରଣା କରାଯାଉଛି ବୋଲି କେନ୍ଦ୍ର ମନ୍ତ୍ରୀ କହିଛନ୍ତି । ଗୌହାଟିରେ ଏକ କାର୍ୟ୍ୟକ୍ରମରେ ଯୋଗ ଦେଇ କେନ୍ଦ୍ରମନ୍ତ୍ରୀ ଏହା କହିଛନ୍ତି।