୩ ପୋଲିସ କର୍ମଚାରୀ ସସପେଣ୍ଡ

ଟିଟଲାଗଡ଼ (ବଡ଼ ଖବର ବ୍ୟୁରୋ): ଶିକ୍ଷୟିତ୍ରୀ ମମିତା ମେହେର ନିଖୋଜ ଘଟଣାର ମୁଖ୍ୟ ଅଭିଯୁକ୍ତ କୁହାଯାଉଥିବା ଗୋବିନ୍ଦ ସାହୁ ପୋଲିସ ହେପାଜତରୁ ଫେରାର । ମମିତା ନିଖୋଜ ସମ୍ପର୍କରେ ବଲାଙ୍ଗୀର ଜିଲ୍ଲା ସିନ୍ଧିକେଲା ଥାନାରେ ଅଭିଯୋଗ ହୋଇଥିଲା । ପୋଲିସ ସନ୍ଦେହରେ ସ୍କୁଲର ଅଧ୍ୟକ୍ଷ ଗୋବିନ୍ଦ ସାହୁଙ୍କୁ ୫ଦିନଧରି ଥାନାରେ ଅଟକ ରଖିଥିଲା ।

ଏହି ଘଟଣାରେ ପୋଲିସର ଭୂମିକାକୁ ନେଇ ସାଧାରଣରେ ସନ୍ଦେହ ହୋଇଥିଲା । ଏପରିକି ବିରୋଧୀ ଗୃହରାଷ୍ଟ୍ରମନ୍ତ୍ରୀ ଦିବଶଙ୍କର ମିଶ୍ରଙ୍କୁ ଟାର୍ଗେଟ କରିଥିଲେ । ବାଧ୍ୟ ହୋଇ ପୋଲିସ ଗୋବିନ୍ଦ ସାହୁଙ୍କୁ ଟିଟିଲାଗଡ଼ ଥାନାକୁ ଆଣିଥିଲା । ଗତକାଲି ରାତିରେ ଗୋବିନ୍ଦ ସାହୁ ଖାଇ ସାରି ହାତ ଧୋଇବା ବାହାନା କରି ଫୋରାର ହୋଇଯାଇଛନ୍ତି । ଗୋବିନ୍ଦ ଫେରାର ଘଟଣାରେ ବଲାଙ୍ଗୀର ଏସପି ୩ ପୋଲିସ କର୍ମଚାରୀଙ୍କୁ ନିଲମ୍ବିତ କରିଛନ୍ତି ।