(ବଡ଼ ଖବର ବ୍ୟୁରୋ) କଳାହାଣ୍ଡି ଜିଲ୍ଲା ମହାଲିଙ୍ଗ ସନସାଇନ ପବ୍ଲିକ ସ୍କୁଲ ଶିକ୍ଷୟିତ୍ରୀ ମମିତା ମେହେର ହତ୍ୟାକାଣ୍ଡ ମାମାଲାରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ବହିଷ୍କାର ସହିତ ଗିରଫ ଦାବିରେ ଆଜି ବିଜେପି ଯୁବ ମୋର୍ଚ୍ଚା ପକ୍ଷରୁ ୮ ଜିଲ୍ଲାରେ ଏସପି ଅଫିସ ଘେରାଉ କରାଯାଇଛି । ପୁରୀ , ବାଲେଶ୍ୱର, କେନ୍ଦ୍ରାପଡ଼ା, ଖୋର୍ଦ୍ଧା, ଗଜପତି, ଜଗତସିଂହପୁର ଓ ଝାରୁସୁଗୁଡ଼ା ଜିଲ୍ଲାରେ ଏସପିଙ୍କ ଅଫିସ ସାମ୍ନାରେ କର୍ମୀମାନେ ବିକ୍ଷୋଭ ପ୍ରଦର୍ଶନ କରିଛନ୍ତି ।
ତେବେ ପୁରୀରେ ବ୍ୟାରିକେଡ ଭାଙ୍ଗି ଏସପି ଅଫିସକୁ ଧସେଇ ପଶିଥିଲେ । ଏହି ଘଟଣାରେ ବିଜେପି ନେତ୍ରୀ ଉପାସନା ମହାନ୍ତି କହିଛନ୍ତି , ଓଡ଼ିଶାରେ ଝିଅ ଓ ବୋହୂଙ୍କୁ ହତ୍ୟା ନ କରାଯାଉ । ନବୀନ ସରକାର ଏହା ବିରୋଦ୍ଧରେ କଡା କାର୍ଯ୍ୟନୁଷ୍ଠାନ ଗ୍ରହାଣ କରନ୍ତୁ । ଗୋବିନ୍ଦ ସାହୁ ଭଳି ଅପରାଧୀକୁ ଦଣ୍ଡ ଦିଆଯାଉ । ମମିତା ମେହେର ହତ୍ୟା ମାମଲାରେ ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଇସ୍ତଫା ଦିଅନ୍ତୁ, ନ ହେଲେ ଆଗକୁ ଏହି ଲଢେଇ ଜୋରଦାର ହେବ ।
