ଗଞ୍ଜାମ (ବଡ଼ ଖବର ବ୍ୟୁରୋ): ଅଚଳ ହେବ ଆଇଜର । ଏନେଇ ଭାରତୀୟ ବିଜ୍ଞାନ ଶିକ୍ଷା ଅନୁସନ୍ଧାନ ଓ ଗବେଷଣା କେନ୍ଦ୍ରର ଅବବସ୍ଥାକୁ ନେଇ ଶିକ୍ଷାବିତ ମହଲରେ ବିଭିନ୍ନ ପ୍ରଶ୍ନ ଉଠୁଛି । କେନ୍ଦ୍ର ସରକାରଙ୍କ ଅଧିନରେ ଥିବା ୭ ଟି ଆଇଜର ମଧ୍ୟରୁ ବ୍ରହ୍ମପୁରରେ ୨୦୧୬ ରେ ଏହା ଆରମ୍ଭ ହୋଇଥିଲା । ଆଇଜର ଆରମ୍ଭ ହେବା ଦିନ ଠାରୁ ଏହା ସ୍ଥାନୀୟ ସରକାର ଆଇଆଇଟି ପରିସରରେ ଚାଲିଛି । ତେବେ ଏହି ଅସ୍ଥାୟୀ ପରିସରକୁ ବିଦୁତ ସଂଯୋଗ ଆଇଆଇଟିରୁ ଦିଆଯାଇଛି ।
ବାରମ୍ବାର ଆଇଆଇଟି ପକ୍ଷରୁ ତାଗିଦ କଲେ ମଧ୍ୟ ଏପର୍ଯ୍ୟନ୍ତ ସ୍ୱତନ୍ତ୍ର ବିଦ୍ୟୁତ ସଂଯୋଗ କରୁ ନାହିଁ କି ବିଲ ମଧ୍ୟ ଦେଉ ନାହିଁ । ସେହିପରି ଘରଭଡ଼ା ମଧ୍ୟ କୋଟି କୋଟି ଟଙ୍କା ବାକି ଥିଲେ ମଧ୍ୟ ଆଇଜର କର୍ତ୍ତୃପକ୍ଷର କୌଣସି ଚିନ୍ତା ନାହିଁ । ଆଇଆଇଟି ବିଲ ବୋଝ ବହନ କରୁଥିବାରୁ ବିଦୁତ ସଂଯୋଗ ବିଛିନ୍ନ କରିବା ପାଇଁ ନିଷ୍ପତ୍ତି ନେଇଛି ।
ଯଦି ଚଳିତ ମାସ ୨୯ ତାରିଖ ସୁଦ୍ଧା ପଦକ୍ଷେପ ଗ୍ରହଣ ନକଲେ ୩୦ ତାରିଖ ସୁଦ୍ଧା ବିଦୁତ ବିଛେଦ କରାଯିବ ବୋଲି ଆଇଆଇଟି ପକ୍ଷରୁ ଲିକ୍ଷିତ ଚେତାବନୀ ଦିଆଯାଇଛି ବୋଲି ଜଣାପଡ଼ିଛି । ଆଇଆଇଟି ପକ୍ଷରୁ ଘର ଭଡ଼ା କିମ୍ବା ବିଦୁତ ବିଲ ଦିଆଯାଉ ନଥିବାରୁ ସ୍ଥାନୀୟ ବୁଦ୍ଧିଜୀବୀ ମହଲରୁ ନାପସନ୍ଦ କରାଯାଇଛି ।
