ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପାକିସ୍ତାନ ନିଜର ମିଥ୍ୟା ବୟାନକୁ ନେଇ ବେଶ ଚର୍ଚ୍ଚାରେ ରହିଥାଏ । ସେ ବର୍ତ୍ତମାନର ପ୍ରଧାନମନ୍ତ୍ରୀଙ୍କ କଥା ହେଉ କି ପୁରୁଣା । ଭାରତକୁ କଟାକ୍ଷ କରିବା ଏବଂ ନିଜକୁ ଭାରତ ଠାରୁ ବିକଶିତ କହିବାରେ ବେଶ ପାରଙ୍ଗମ ପାକିସ୍ତାନ । ଏହା ମଧ୍ୟରେ ପାକିସ୍ତାନର ପ୍ରଧାନମନ୍ତ୍ରୀ ନିଜ ବୟାନକୁ ନେଇ ପୁଣି ଚର୍ଚ୍ଚାରେ ରହିଛନ୍ତି । ପେଟ୍ରୋଲ ମୂଲ୍ୟ ବୃଦ୍ଧିରେ କ୍ରୋଧିତ ଲୋକଙ୍କ କ୍ରୋଧକୁ ଶାନ୍ତ କରିବା ପାଇଁ ସେ ଭାରତ ଉପରେ ମିଥ୍ୟା ସୂଚନା ଦେଇଛନ୍ତି । ତେବେ ଭାରତରେ ପେଟ୍ରୋଲର ମୂଲ୍ୟ ଲିଟର ପିଛା ୧୫୦ ଟଙ୍କା ଥିବାବେଳେ ଏହି ମୂଲ୍ୟ କେବେବି ପାକିସ୍ତାନରେ ଏତିକି ପହଞ୍ଚି ନାହିଁ ବୋଲି ଇମ୍ରାନ ଖାନ କହିଛନ୍ତି । ସେପଟେ ଇମ୍ରାନ ଖାନ ଭଲ ଭାବରେ ବୁଝିଛନ୍ତି ଯେ, ଭାରତ ସହିତ ଯୋଡ଼ି ପାକିସ୍ତାନରେ କୁହାଯାଇଥିବା ପ୍ରତ୍ୟେକ ଶବ୍ଦ ଭଲ କାମ କରେ ।
ଲୋକମାନେ ଅନ୍ଧ ଭାବରେ ଏହାକୁ ସତ୍ୟ ଭାବରେ ଗ୍ରହଣ କରନ୍ତି । ସେଥିପାଇଁ ସେ ଭାରତକୁ ଦର୍ଶାଇ ଲୋକଙ୍କ ସାମ୍ନାରେ ମିଥ୍ୟା ତଥ୍ୟ ଉପସ୍ଥାପନ କରିଥିଲେ । କେବଳ ଏତିକି ନୁହେଁ ବରଂ ଆଜି ମଧ୍ୟ ପେଟ୍ରୋଲର ମୂଲ୍ୟ ଲିଟର ପିଛା ସେଠାରେ ୧୫୦ ଟଙ୍କା ଥିବାବେଳେ ବାଂଲାଦେଶରେ ଏହା ୨୦୦ ଟଙ୍କା ରହିଛି । ଅନ୍ୟପଟେ ପାକିସ୍ତାନରେ ଲିଟର ପିଛା ୧୪୬ ଟଙ୍କା ରହିଛି । ଅଟୋକରେ ଏକ ଭିତ୍ତିପ୍ରସ୍ତର ସ୍ଥାପନ କରୁଥିବାବେଳେ ଇମ୍ରାନ ଖାନ ଏପରି କହିଥିବାର ଦେଖିବାକୁ ମିଳିଛି । ତେବେ ତୈଳ ଆମଦାନୀ କରୁଥିବା ଦେଶମାନଙ୍କ ମଧ୍ୟରେ ପାକିସ୍ତାନରେ ପେଟ୍ରୋଲ ଏବଂ ଡିଜେଲର ମୂଲ୍ୟ ସର୍ବନିମ୍ନ ଅଟେ । ଏହା ସମ୍ଭବ ହୋଇଛି କାରଣ ତାଙ୍କ ତୈଳ ଆମଦାନୀ ଉପରେ ଟିକସ ଏବଂ ଶୁକ୍ଳ ହ୍ରାସ କରିଛନ୍ତି । କେବଳ ଏତିକି ନୁହେଁ ବରଂ କରୋନା କାରଣରୁ ପାକିସ୍ତାନର ବିପର୍ଯ୍ୟସ୍ତ ଅର୍ଥବ୍ୟବସ୍ଥା ବିଷୟରେ ମଧ୍ୟ ଉଲ୍ଲେଖ କରିଥିବାର ଦେଖିବାକୁ ମିଳିଛି ।
ମହାମାରୀ ବିଶ୍ୱ ମୁଦ୍ରାସ୍ପୀତି ହ୍ରାସର କାରଣ ହୋଇଛି । ଲକଡାଉନ ଯୋଗୁଁ ବ୍ୟବସାୟରେ ଅନେକ କ୍ଷତି ହୋଇଛି । ଯେତେବେଳେ ସମଗ୍ର ବିଶ୍ୱରେ ମୁଦ୍ରାସ୍ପୀତି ହ୍ରାସ ହେବ, ସେତେବେଳେ ନିଶ୍ଚିତ ଭାବେ ପାକିସ୍ତାନ ମଧ୍ୟ ଉନ୍ନତି କରୀ । ତେଣୁ ଆମ ଉପରେ ମଧ୍ୟ ଏକ ପାର୍ଥକ୍ୟ ରହିବ । ଆମେ ଯଥାସମ୍ଭବ ଚେଷ୍ଟା କରିଛୁ ଏବଂ ତଥାପି ଆମ ଲୋକଙ୍କୁ ମୁଦ୍ରାସ୍ପୀତିରୁ ବଞ୍ଚାଇବାକୁ ଚେଷ୍ଟା କରିଛୁ ବୋଲି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ କହିଛନ୍ତି ।
