ଭବାନୀପାଟଣା(ବଡ଼ ଖବର ବ୍ୟୁରୋ) ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭବାନୀପାଟଣା ଯାଇ କଳାହାଣ୍ଡି ଜିଲ୍ଲାରେ ବିଜୁ ସ୍ୱାସ୍ଥ୍ୟ କାର୍ଡ ବଣ୍ଟନ କରିଛନ୍ତି । ଭାବନୀପାଟଣାରେ ମୁଖ୍ୟମନ୍ତ୍ରୀ କାର୍ଡ ବଣ୍ଟନ କରିଥିବା ବେଳେ କର୍ଲାମୁଣ୍ଡା ଓ କେସିଙ୍ଗାରେ ଯଥାକ୍ରମେ ମନ୍ତ୍ରୀ ପ୍ରେମାନନ୍ଦ ନାୟକ, ଅରୁଣ ସାହୁ କାର୍ଡ ବଣ୍ଟନ କରିଥିଲେ । ହେଲେ ସେମାନଙ୍କୁ ସେଠାରେ ବିରୋଧ କରାଯାଇଥିଲା । କର୍ଲାମୁଣ୍ଡାରେ ବିଜୁ ସ୍ୱାସ୍ଥ୍ୟ କାର୍ଡ ବଣ୍ଟନ ବେଳେ ଉତ୍ତେଜନା ଦେଖିବାକୁ ମିଳିଥିଲା । ବିଜେପି ଓ କଂଗ୍ରେସ କର୍ମୀମାନେ ସେଠାରେ ବିରୋଧ ପ୍ରଦର୍ଶନ କରିଥିଲେ ।
କିନ୍ତୁ ବିରୋଧ ସତ୍ତ୍ବେ ବି ବ୍ଲକ କାର୍ଯ୍ୟାଳୟରେ ମନ୍ତ୍ରୀ କାର୍ଡ ବାଣ୍ଟୁ ଥିବା ବେଳେ ଅଫିସ ଗେଟରେ ତାଲ ପକାଇ ଦେଇଥିଲେ ବିରୋଧି ।ସେହପରି କେସିଙ୍ଗାରେ ମଧ୍ୟ ବିରୋଧର ସମ୍ମୁଖୀନ ହୋଇଥିଲେ ମନ୍ତ୍ରୀ ଅରୁଣ ସାହୁ । ମନ୍ତ୍ରୀ କାର୍ଡ ବାଣ୍ଟୁଥିବା ବେଳେ ବିଜେପି କର୍ମୀମାନେ ସଭାସ୍ଥଳକୁ ଧଶେଇ ପଶିଥିଲେ । ପରେ ପୋଲିସ ଓ ସେମାନଙ୍କ ମଧ୍ୟରେ ଧସ୍ତା ଧସ୍ତି ହୋଇଥିଲା ।
