ପାକିସ୍ତାନକୁ ଭାରତର ଜବାବ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କାଶ୍ମୀର ପ୍ରସଙ୍ଗକୁ ନେଇ ପାକିସ୍ତାନ ଉପରେ ବର୍ଷିଲା ଭାରତ । ଆନ୍ତର୍ଜାତିୟ ମଞ୍ଚରେ ପାକିସ୍ତାନକୁ ଜବାବ ଦେଲା ଭାରତ । ପାକିସ୍ତାନ ଏହାର ଅସ୍ତିତ୍ୱ ପାଇଁ ସଂଗ୍ରାମ କରୁଛି ଏବଂ ଆର୍ଥିକ ସଙ୍କଟର ସମ୍ମୁଖୀନ ହେଉଛି। ଏହା ସତ୍ତ୍ୱେ ପାକିସ୍ତାନ କଶ୍ମୀର ଉପରେ ମନ୍ତବ୍ୟ ଦେବାରୁ ଆଦୌ ବିରଚତ ହେଉନାହିଁ। ମିଳିତ ଜାତିସଂଘ ସାଧାରଣ ସଭାରେ ପାକିସ୍ତାନ ପୁଣି ଥରେ କଶ୍ମୀର ପ୍ରସଙ୍ଗ ଉଠାଇଛି। ଏହା ପରେ ଭାରତ ମଧ୍ୟ ତାଙ୍କୁ ଉପଯୁକ୍ତ ଜବାବ ଦେଇଛି।

ମିଳିତ ଜାତିସଂଘରେ ଭାରତର ପ୍ରତିନିଧୀ କହିଛନ୍ତି, ପାକିସ୍ତାନର ପ୍ରତିନିଧୀ ଯାହା କୁହନ୍ତୁ କିମ୍ବା ବିଶ୍ୱାସ କରନ୍ତୁ, କେନ୍ଦ୍ର ଶାସିତ ଅଞ୍ଚଳ ଜମ୍ମୁ କଶ୍ମୀର ଏବଂ ଲଦାଖ ଭାରତର ଏକ ଅବିଚ୍ଛେଦ୍ୟ ଅଙ୍ଗ ଅଟେ ଏବଂ ରହିବ। ଆମେ ଏହି ପାକିସ୍ତାନୀ ପ୍ରତିନିଧି ଦଳଠାରୁ କିଛି ନୂଆ ଆଶା କରୁନାହୁଁ। ସୂଚନା ଅନୁସାରେ, ଗତ ବର୍ଷ ନଭେମ୍ବରରେ ମଧ୍ୟ ପାକିସ୍ତାନ କଶ୍ମୀର ପ୍ରସଙ୍ଗରେ ଭାରତକୁ ଘେରିବାକୁ ଚେଷ୍ଟା କରିଥିଲା, କିନ୍ତୁ ପାକିସ୍ତାନକୁ ଭାରତର ପ୍ରତିନିଧୀ ଉପଯୁକ୍ତ ଉତ୍ତର ଦେଇଥିଲେ। ସେ କହିଥିଲେ, ପାକିସ୍ତାନର ହତାଶ ପ୍ରୟାସ କେବେ ସଫଳ ହେବ ନାହିଁ।