ପାଳନ ହେବନାହିଁ ଗୋମାତା ଆଲିଙ୍ଗନ ଦିବସ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ):ଫେବୃଆରୀ ୧୪ ରେ ଗୋମାତା ଆଲିଙ୍ଗନ ଦିବସ ପାଳନ କରିବାକୁ କରିଥିବା ଆବେଦନକୁ ସରକାର ପ୍ରତ୍ୟାହାର କରି ନେଇଛନ୍ତି। ପଶୁ କଲ୍ୟାଣ ବୋର୍ଡ (AWB)  ଭାଲେଣ୍ଟାଇନ୍ସ ଡେରେ ଗୋମାତା ଆଲିଙ୍ଗନ ଦିବସ ପାଳନ କରିବାକୁ ଆବେଦନ କରିଥିଲେ । ଏହାକୁ ନେଇ ବହୁତ ଆଲୋଚନା ମଧ୍ୟ ହୋଇଥିଲା | ବୋର୍ଡର ଏହି  ପଦକ୍ଷେପକୁ ଅନେକ ଲୋକ ସମାଲୋଚନା କରିଥିବା ବେଳେ ଅନେକ ଏହାକୁ ସମର୍ଥନ ମଧ୍ୟ କରିଥିଲେ |

ତେବେ ଏହି ଆବେଦନ ପ୍ରତ୍ୟାହାର ସମ୍ପର୍କରେ ବୋର୍ଡ ଏକ ବିଜ୍ଞପ୍ତି ଜାରି କରିଛି। ଏହାପୂର୍ବରୁ ଭାଲେଣ୍ଟାଇନ୍ସ ଡେରେ ଗୋମାତା ଆଲିଙ୍ଗନ ଦିବସ ପାଳନ କରିବାକୁ ସରକାରଙ୍କୁ ବୋର୍ଡ ଆବେଦନ କରିଥିଲେ । ସେ ସମୟରେ ମଧ୍ୟ ବୋର୍ଡ ବିଜ୍ଞପ୍ତି ଜାରି କରିଥିଲା। ସେହି ବିଜ୍ଞପ୍ତିରେ ବୋର୍ଡ ଲେଖିଥିଲା, ଗାଇ ହେଉଛି ଆମର ମାତା ତେଣୁ ଏହି ଦିବସ ପାଳନ କରିବା ଉଚିତ । ବୋର୍ଡ କହିଥିଲେ ଯେ ଫେବୃଆରୀ ୧୪ ହେଉଛି ପ୍ରେମ ଦିନ, ତେଣୁ ଗୋମାତାଙ୍କୁ ଭଲ ପାଅ |