ଭୁଷୁଡିବ ଋଷ ଅର୍ଥନୀତି, ୧୯୦ ବିଲିୟନ ଡଲାର କ୍ଷତି ସହିବା ଆକଳନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭୁଷୁଡିବ ଋଷ ଅର୍ଥନୀତି । ଋଷ-ୟୁକ୍ରେନ ମଧ୍ୟରେ ଯୁଦ୍ଧ ଭୟଙ୍କର ରୂପ ନେବାରେ ଲାଗିଛି । ଅନ୍ୟପଟେ ଯୁଦ୍ଧ ଯୋଗୁ ଋଷର ହୋଇଥିବା କ୍ଷୟକ୍ଷତିର ରିପୋର୍ଟ ଆସିଛି । ଋଷ ପ୍ରାୟ ୧୯୦ ବିଲିୟନ ଡଲାର ବା କ୍ରେମଲିନ୍ ୧୫ ଲକ୍ଷ ୭୨ ହଜାର ୫ଶହ ୪୪ କୋଟି ଟଙ୍କାରୁ ଅଧିକ କ୍ଷତି ସହିବା ଆକଳନ କରାଯାଇଛି । ଏନେଇ ବ୍ଲୁମବର୍ଗ ରିପୋର୍ଟ ପ୍ରକାଶ କରିଛି । ଋଷ ଯେଉଁ କ୍ଷତି ସହିବ ତାର ଅର୍ଥନୀତି ହଙ୍ଗେରୀ, କୁଏତ ଭଳି ଦେଶର ଜିଡିପି ସହ ସମାନ ହୋଇଯିବ ।

ଗତବର୍ଷ ଋଷର ଅଭିବୃଦ୍ଧି ୨ ଦଶମିକ ୫ ପ୍ରତିଶତ ହ୍ରାସ ପାଇବ ବୋଲି ଋଷର କେନ୍ଦ୍ରୀୟ ବ୍ୟାଙ୍କ ଆକଳନ କରିଥିଲା । ଯୁଦ୍ଧ ପୂର୍ବରୁ ଋଷକୁ ବିଶ୍ୱର ୫ଟି ବଡ ଅର୍ଥନୀତି ମଧ୍ୟରେ ରଖିବାକୁ ଚେଷ୍ଟା କରୁଥିବା ପୁଟିନଙ୍କ ସବୁ ଆଶା ଧୁଳିସାତ ହୋଇଯାଇଥିବା କୁହାଯାଉଛି । ଯଦି ଏହି ରିପୋର୍ଟ ସତ ହୁଏ, ତେବେ ଋଷର ଅର୍ଥନୀତି ବିଶ୍ୱର ୫୦ ବଡ ଅର୍ଥନୀତି ମଧ୍ୟରେ ସ୍ଥାନ ପାଇବ ନାହିଁ ବୋଲି କୁହାଯାଉଛି ।