ନରସିଂହ ନୋବେଲ ଲେଖିଲା ଭଳି କହୁଛନ୍ତି: ଅରୁଣ ସାହୁ

ଭୁବନେଶ୍ୱର  (ବଡ଼ ଖବର ବ୍ୟୁରୋ): କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ରଙ୍କ ମୁଖ୍ୟମନ୍ତ୍ରୀ ଏବଂ ଗୃହ ରାଷ୍ଟ୍ରମନ୍ତ୍ରୀ ନାମରେ ସ୍ବାଧୀକାର ଭଙ୍ଗ ନୋଟିସ ଆଣିବା ପରେ ପ୍ରତିକ୍ରିୟା ରଖିଛନ୍ତି ବିଜେଡି ବିଧାୟକ ଅରୁଣ ସାହୁ । ସେ କହିଛନ୍ତି ନରସିଂହ ମିଶ୍ର ଜଣେ ବରିଷ୍ଠ ନେତା । ଜଣେ ଆଇନଜ୍ଞ । କିନ୍ତୁ ନୋବେଲ ଲେଖିବା ଭଳି କହୁଛନ୍ତି । ସେ ନଈ ନଦେଖି ଲଙ୍ଗଳା କାହିଁକି ହେଉଛନ୍ତି ବୋଲି ପ୍ରଶ୍ନ କରିଛନ୍ତି ଅରୁଣ ।

ନବ ଦାସ ହତ୍ୟାକାଣ୍ଡର ତଦନ୍ତ ଚାଲିଛି ଏବେଠାରୁ ଅକାଳନ କରିବା, ଷ୍ଟୋରି କହିବା ସମିଚୀନ ନୁହେଁ । ପ୍ରଥମେ ସେ କ୍ଷମା ମାଗନ୍ତୁ । ହାଇକୋର୍ଟ ଅର୍ଡରର ଅସମ୍ମାନ କରିଥିବାରୁ ସେଥିପାଇଁ ସେ ଗୃହକୁ ଏବଂ ଓଡିଶାବାସୀଙ୍କୁ କ୍ଷମା ପ୍ରାର୍ଥନା କରନ୍ତୁ । ହାଇକୋର୍ଟ ଅର୍ଡରକୁ ବିଭ୍ରାନ୍ତିକର ଭାବେ ଉପସ୍ଥାପନ କରୁଛନ୍ତି ଯାହା ଏକ ନୋବେଲ ଲେଖିବା ଭଳି ଲାଗୁଛି । ନବୀନ ସରକାରରେ ଯାହା ତଥ୍ୟ ଓ ସତ୍ୟ ତାହା ପଦାକୁ ଆସେ ।